الهوس الابدي(قصة بالدارجة)

البارت 7

❤️الهوس الابدي❤️

🎀تأليفييي:.نجوى🎀

البارت 7🌞

كيان : كنزة شرحي ليا كيفاش هدا الممول ديال الشركة

كنزة : اويلي راه عامين او باباك كيحاول معاه باش يمول عندو واش مفراسكش

كيان : لا مقال ليا بابا واالو او راكي عارفة راه عاد رجعت كنعرف اش واقع اصلا نتي لي خدامة مع بابا علاش مقلتي ليا والو

كنزة : حيت ديما فاش تنهضر ليك على الخدمة او حنا خارجين كتسكتيني او كتقولي ليا دبا حنا ماشي فالخدمة او دبا دخلي عند بااك خليني نمشي فحالي

كيان : اووكي واخا يالله باي سلمي على باباك

باسو بعضياتهوم من بعيد او مشات كنزة او كيان طلعات مراضاش البال لداك لي فلوطو ديالو كيشوف فيها اي حركة دارتها كتيروو شاف فالشيفور ديالو

إلياس : تحرك للفيلا ديال العائلة

اما كيان فغير دخلات مع الشركة بداو كيرحبو بيها او هي كتفرنس ليهوم كي راس المشوط طلعات للبيرو عند باباها او دقات سمعات الادن او دخلات باست ليه راسو لقات معاه المساعد الشخصي ديالو سلمات عليه حتى هو او جلسات

كيان : سي البيرت (المساعد) صافا هاني

البيرت : بيخير بيخير

كيان (شافت فباباها): اش كاين ابابا اش بغيتيني

احمد : كيما كتعرفي نتي قربتي تسالي قرايتك داكشي علاش خاصك تبقاي ديري سطاج

كيان : اه عارفة او كنتي قلتي ليا بلي غادي نجي للشركة عندك

احمد : احم الصراحة الشركة دبا فيها بزاف تالموضفين او سي الياس عندو خصاص فيهووم او قلت الا درتي عندو السطاج ايكوون احسن

كيان(عقدات حجبانهاا):كيفاش ابابا او اشنو قصة هاد الممول تاني لي انا معارفاش او هو بعدا موااافق

احمد : وا غير وحدة وحدة هاد الممول مهم لينا بزاف كيما كتعرفي هاد العام اللخر الشركة بدات كتهبط او دبا فاش ولينا شركة معاه غادي تولي الشركة مشهورة كثر من قبل اما بالنسبة للسطاج فعلاش ميوافقش

قاطع هضرتهوم البيرت

البيرت : كيان سي إلياس مرحب بالفكرة او معندووش مشكيل حتى باباك طرح هاد السؤال مي انا شرحت ليه الموقف الا دوزتي عندو سطاج اتكوني اكتر خبرة من شركة باباك او هادشي مزيان ليك مستقبلا