❤️الهوس الابدي❤️
البارت 11🌞
اما كيان فملي خرجات من عند باباها من الشركة لقات الشيفور كيسناها داها نيشان الفيلا الطريق كاملة او هي كتفكر فهاد الياس لي اتبدا عندو سطاج وصلها الشيفور او دخلات للفيلا سلمات على ماماها او قالت ليها بالمختصر اش كاين او طلعاات لبيتها دوشات او هكات سنانها او نعسات اصلا كانت عيانة من الخرجة لي خرجات هي او كنزة
🌞اصبحنا واصبح الملك لله🌞
فاقت كيان على صووت ماماها كتفيق فيها
تورية : كيان نوضي ابنتي يالله
كيان : ماما غير خليني شويكيكة باقي فيا النعاس عافاك
دخل احمد عندهوووم البيت
احمد : كيان نوضي ابنتي راه سي الياس كيتسنى فيك من قبيلة
ناضت كيان طافجة فاش سمعاات سميتو او بلي كيتسناها
كيان : علاش مغاديش يديني شيفووور
احمد : لا وانوووضي سي الياس بما انه اول نهار ليك معاه فالشركة باغي يوصلك او نيت باش يوريك طريقة الخدمة
ناضت كيان كتأفأف كااارهة راااسها علاش خاصو يديها هو خرجو والديها من عندها او هي دخلات للدوش قضات حاجتها غسلات وجهها او لبسات سروال الدجين غري مع تيشورت فنفس اللون بوودز كحل او دارت مكياج خفيف طلقات شعرها هزات صاكها فيه كل مكاتحتاج او هبطات مع الدروج
أنت تقرأ
الهوس الابدي(قصة بالدارجة)
عاطفية❤️ #الجدييييد_تاني جيت او جبت معايا الجديد تاني قصة ليا كتجمع من كل فن طرب كنتمنى تعجبكووم 🔥تقدييم🔥 🎀الهوس الابدي 🎀 ❤️بغاها لواحد الدرجة كبييرة كان ليه يد فقتل خطيبها او مقالهاش ليها دار المستحيل باش تبغيه هو من ديانة او هي ديانة واش غادي تب...