الهوس الابدي(قصة بالدارجة)

109

❤️الهوس الابدي❤️

البارت 109💥

✨نجوى✨

دخلات للمكتب كي العادة بلا مدق لي زاد صدمها هو هضرتو

الياس(بلا ميهز راسو فيها): داخلة مدرمة خرجي سدي الباب حتى نعطيك الاذن عاد دخلي

شافت فيه كتسناه يسحب كلامو هي كيان ماشي اي وحدة علاش كيتعامل معاها هاكا نسات اشنو دارت فيه او بقات كتحلل فتصرفاتو على اساس هو ليغالط مفيقها غير صوتو الغاضب

الياس (هز فيها عينيه مخنزر): واش مكتسمعيش ولا هضرت بشي لغة ممفهوماش قلت ليك برا دقي الباب حتى نعطيك الادن عاد دخلي

تغرغرو ليها عينيها بالدموع عمرو تصرف معاها بحال هاكا خرجات بالزربة كتمسح فدموعها او سدات الباب خدات شهيق زفير او نشات على راسها او دقات حتى سمعاتو قال دخل عاد دخلات حطات ليه الملف او جات خارجة

الياس (ببرود): مقلتش ليك سيري (هز فيها عينيه)كملتي الملف لي حطيت ليك

كيان (بخفوت): اليوم انكملو مبقى فيه والو

الياس : عندك ساعة تاامغانة او تكملي ليه الترجمة او تجيبيه ليا تفضلي كملي خدمتك دابا

مقدرات تقول ليه والو من غير انها خرجات او مشات لبيروها ناسية ان بيرواتهوم فارقاهوم غير جاجة غير دخلات او طلقات العنان لدموعها

الياس هز راسو يشوفها اش كدير لقاها كتبكي تنهد او هز تيليكوموند او حل الريدو للزاج باش متبقاش تبان ليه هو مباغيش يعاملها هكاك ماشي على قبلها ولكن على قبل حتى راسو مبقاش عارف كيفاش يتصرف دابا فاش شافها كتبكي جاه تأنيب الضمير بقا جالس او غير كيفكر سمح فالخدمة او فكولشي او كيفكر اش يدير معاها باقي هضرتها كتاكلو من لداخل مقادرش ينساها جبد سيغار من المجر شعلو او ناض للبالكو تاع البيرو كيكمي او كيفكر كيفاش يقاد الامور

بغيت تعليقات كتار او اشهارات واخل مكملتوش التشالنج حطيت ليكوم