الهوس الابدي(قصة بالدارجة)

البارت 51

❤️الهوس الابدي❤️

البارت 51🌞

اما احمد فعيط للسكريتيرة ديالو او عطاها ملخصات على المشروع تقراهوم فالطريق وصلو للشركة او هبطو من لوطو داخلين او كيوصيها او يفكرها فداكشي الاساسي ديال الاجتماع مع دخلو للشركة تيبان ليه عاصم جاي هو يخنزر فيه اما حتى عاصم غير شافو كيدار عرفو علاش دارها تسالمو مع بعضياتهووم او عاصم بدا تيقلب فجنابو حتى هضر معاه احمد

احمد(بهمس) : ديك لي كتقلب عليها مجاتش او مغاديش تجي غير جمع عينيك

عاصم (حدر راسو): احم سي احمد مرحبا بيك فالشركة عندنا تفضل موسيو الياس كيتسناك

احمد: شكرا (شير ليه على السكرتيرة)معرفتكش هادي السكرتيرة ديالي جات بلاصة المساعدة ديالي (غمزو او دار عند السكرتيرة )هدا عاصم الشريك ديالنا مع سي الياس

السكريتيرة : متشرفين موسيو عاصم

حرك عاصم راسو كاجابة ليها او حرك يديه بمعنى تفضلو

#عند_كيان

كانت خدامة فواحد الملف حتى شافت الساعة لقات بقات 5 دقايق الاجتماع هزات راسها لمكتب الياس لقاتو خااوي عرفات راسها ركزات فالملف شي لي خلاها متحسش بيهوم ايمتا ناضو ناضت من البيرو او جبدات صاكها باش تجبد الملف قلبات صاكها ملقاتوش فيه قلبات البيرو كامل او والو واش لقاتو صافي عرفات راسها نساتو فالدار عند كنزة بقات غادة جايا فالبيرو تتعض ضفارها او عنيها مغرغرين معارفة مادير او حتى كنزة مجاياش لي تقوول تعتقها ولا شي حاجة سمعات الباب تحل او هي الضور غير شافت شكون هوما يهبطو دموعهااا