الهوس الابدي(قصة بالدارجة)

112

❤️الهوس الابدي❤️

البارت 112💥

✨نجوى✨

ناض من بلاصتو مزير محاملش يتفكر داك النهار نهائيا حيت غادي غير يقصا عليها تاني مشا جيهت البالكون او وقف تيحك شعرو من لور او كيتنهد باش يتهدن او ينسى الموضوع

اما هي بقات كتشوف فيه من الكرسي بقا فيها الحال من جيهتو عارفاه مجروح او كيما قال ليها عاصم صعيب ينسى ضغيا او حتى الا سمح ليها غيبقى ديما فبالو انها شكات فيه او قالت ليه قتا*ل دمعو عينيها على راسها او على حالتو ناضت بخطوات خافتين حتى وصلات عندو او عنقاتو من ضهرو كتبكي كي شي بنيتة صغيرة هو تبلوكا على ديك الوضعية معرف ميدير حاس بيها معنقاه او مزيرو عليه فرح فاللول ولكن دغيا حس بدموعها او سمع شهقاتها شي لي خلاه غير يزيد من الحيرة لي حايرها هو مبغاش يفرض عليها راسو بعد منها باش تعرف راسها اش بغات بقا واقف على نفس البوز تاحس بيها تهدنات شوية هاد شد يديها لي على كرشو حيدهوم او ضار عندها مهضر موالو بقى غير ساكت كيشوف ليها فعينيها او كيتسناها تقول شي حاجة بقاو هكاك مدة لا بأس بها حتى هضرات بصوت خافت او مبحبح بالبكى لي بكاتو

كيان : سمح ليا مكنتش قاصدة نقول هكاك والله انا غير من الصدمة قلتها

الياس (غمض عينيه او عاود حلهوم او هز يديه كيمسح ليها الدميعات لي باقي هابطين): فاش بغيت مبدا نعاود ليك قلتي ليا بلي مغاديش تحكمي عليا حتى نعاد ليك كولشي من الاول حتى اللخر ياك ولكن نتي مزال يالله بديت او حكمتي عليا اووكي نقولو فاللول اكيان كنتي مصدومة او قلتي ديك الهضرة ولكن من بعد شنو كنا غاديين فالطريق عند عاصم او يديك كانت كترعد عرفتي باش حسيت ولا لا حسيت بحالة راني بالصح قتا*ل حيت نتي خايفة مني لا او الطريق كاملة او نتي ساكتة مقلتي تا كلمة 20 دقيفة او حنا غاديين راه كافية باش تفيقي من الصدمة لا او الواعرة مشيتي عند كنزة او عاودتي ليها عادي صاحبتك هاديك ولكن عاودتي قلتي ليها نفس الهضرة ظيال اني قتا*ل شكيتي فيا او نتي كتعرفيني مزيان هي لي مكتعرفنيش او متيقاتش اني قت*لت شي حد او نتي اشنو مع العلم عمرني اديتك ديما كنت معاك فاي حاجة بغيتيها داير ليك فوق خاطرك غير باش تكوني مرتاحة معايا ولكن كواشي رجع عليا واش عارفة علاش كنتعامل معاك هاكا مأخرا حيت فينما كنشوف وجهك كنتفكر هضرتك لي كلها سم عرفتي حتى فاش كنكون بوحدي كتبقى هضرتك كتزنزن ليا فعقلي هضرتك دراتني بزاف هنا (او ضرب على قلبوو)

توقعات البنات واش كنكتب للاصنام الا بقيتو هاكا لا تعاليق انغبر تاني او نتهنا