الهوس الابدي(قصة بالدارجة)

البارت 79

❤️الهوس الابدي❤️

البارت 79💥

✨نجوى✨

الطبيب : لا يقدر يخرج ولكن ضروري يبقى معاه شي حد يعاونو او شي ممرضة

كنزة (بغيرة): او علاش ممرضة انا كاينة وريني غير كيفاش ندير معاه او انا نتكلف بكولشي

فلتات ضحكة صغيرة من عاصم لي كان متبع غاع حركاتها او كيفاش كتهضر مقدرش يحبس راسو او ميضحكش قدام غيرتها

كنزة (دارت عندو ): علاش كضحك دابا نتا

عاصم (مع الطبيب): انا بيخير نقدر نخرج وقتما محاملش نبقى فالكلينيك غير بدى فالاجراءات

الطبيب : ميمكنش ليك تخرج اليوم خلي حتى دوز 48 ساعة عاد يمكن تخرج

عاصم : علاش ياك غير مهرس او درتو لي عليكوم البارح صافي يعني نقدر نمشي فحالي اليوم

كنزة : اشمن لبارح الشريف راك سيمانة او نتا فغيبوبة

عاصم (بالغوات ): كيفاااش سيمانة او انا غايب ولكن علاش اححح(شد عنقو لي ضرو من مور مغوت او تحرك)

كنزة (قربات ليه شدات ليه فيديه): ششش انا نشرح ليك (مع الطبيب)تقدر تخرج تخلينا بوحدنا

خرج الطبيب او خلاهووم بوحدهوم هي قربات ليه كتر حتى جلسات فالسرير

كنزة : هانتا اتهدن او اتسمعني واخا

بدات كتعاود ليه على كيفاش كان او العملية او كولشي سرسباتو ليه من غير انها عارفة الحقيقة

كنزة : صافي هادشي لي كاين

عاصم : ولكن انا عاقل بلي تخاصمنا فاللخر اشنو جابك لعندي خاصك تكوني دابا فرحانة حيت انا درت كسيدة

كنزة : علاش كتقول هكدا حشومة عليك انا قررت نعطيك فرصة خرا ولكن تعاود ليا كولشي او متخبي عليا والو

عاصم : وااش كتهضري بصك مكتفلايش عليا ياك نتي سامحتيني

كنزة : غنسامحك فاش تعاود ليا كوولشي