الهوس الابدي(قصة بالدارجة)

124

❤️الهوس الابدي❤️

البارت 124💥

✨نجوى✨

الياس : عشت حتى شفتك كتسهاي فيا

كيان : توحشت حنانتك عليا والله سيمانة كاملة او نتا كتجاهلني او عاطيني القاصح حسيت براسي بحالة خسرتك

الياس :( شد ليها وجهها)تتت عمرك مغادي تخسريني داكشي فات دابا يالاه نمشيو دابا او شوفي كي تمشي هضري مع والديك نبغي نعرف اش قالو قبل منركب فالطيارة واخا

كيان : واخا

ناضت من الكرسي او شدات فيديه خرجو من الشركة او غاع الانضار عليهووم كيتسائلو  على نوع العلاقة لي كتجمع بيناتهوم فالاخير كل رجع لخدمتو ركبو هوما فلوطو او وصا الكارد يتبعهوم بلوطو تاع كيان وصلو قدام الفيلا او وقفو هبط الكارد من لوطو او عطا الكونطاكط للعساس اما كيان فبقات فلوطو تاع الياس

الياس : كيان متنسايش اش قلت ليك واخا

كيان : صافي واخا طريق السلامة او رد البال لراسك توصل قولها ليا

الياس : غير نوصل نعلمك غدا بلا متمشي للشركة خرجي نتي او كنزة شريو اش خاصكوم او لي ناقصاك صيفطيها ليا نجيبها معايا  (باس ليها راسها)تهلاي فراسك او نقصي من اللباس المعري او القصير واخا

كيان : متخافش مغنلبسش شي حاجة مغاديش تخليك مرتاح

تسالمو او هبطات تدير ليه باي باي حتى مشا عاد دخلات مع الدخلة لقات واليديها جالسين فالصالون تيهضرو  مشات تسالمات معاهوم او جلسات تتشوف فيهوم شاف فيها باها او هضر

احمد : كيان بغيتي تقولي شي حاحة

كيان : احم الصراحة بغيت نهضر معاكوم فموضوع مهم شوية

الام : الله يسمعنا خبار الخير ابنتي

كيان : انا نبدل حوايجي او نجي نقول ليكووم