الهوس الابدي(قصة بالدارجة)

149و150

❤️الهوس الابدي❤️

البارت 149💥

✨نجوى

تورية : اووف ا احمد مغنعرفش نشرح ليك جي دغيا او صافي راه جاو الناس

احمد : واخا واخا هاني جاي صافي

قطعات عليه او خرجات بابتسامة ناسية كولشي مبغاااتش تخصر فرحة بنتها اليوم هي فرحانة ولكن فنفس الوقت غضبانة خاصها تنسى حتى يجي احمد او تشوف كيفاش تصرف

تورية : مرحبا مرحبا بيكوم (شافت فالياس او عاصم)كولو اولداتي مرحبا بيكوم زارتنا البركة

الياس : ربي يخليك اخالتي (تفكر بلي معرفهاش على والديه) اه نسيت اخالتي هادي الواليدة سميتها حفصة او هدا الواليد مروان (شاف فوالديه)او هادي خالتي تورية مامات كيان

تسالمو مع بعضياتهوم بابتسامة متوترة رجبات بيهوم مامات كيان مزيان او جلسات حداهوم

تورية (مع عاصم): اوا اعاصم كي بقيتي مزيان

عاصم : مزيان اخالتي الحمد اللله مبقى والو او نحيد الجبيرة

تورية : اوا الله يشافيك اوليدي قول ليا والديك مجايينش ولا  غير معطلين

عاصم (باحراج): عندهوم شي خدمة ماقدروش يجيو يحضرو ولكن خالتي حفصة او عمي مروان دايرين الواجب او كثر كنعتابرهوم والديا

حفصة : حتى حنا كنعتابروك ولدنا التاني من بعد الياس

بقاو كيتبادلو اطراف الحديث فجو متوتر حتى دخل احمد للدار بابتسامة شاف تورية جالسة حدا الياس او عاصم لي اونفاص معاه او كاينين 2 تاع الناس عاطيينو بالضهر وقف قدام الصالون

احمد: سمحو ليا على هاد التعطيلة ولكن الخدمة دارتها مرحبا بيكوم

بتاسمو ليه الدراري او رد عليهوم الابتسامة اما تورية غير جالسة او تتخمم دارت حفصة فاش سمعات الصوت ديال احمد شافتو او هي توقف اما احمد فشافها كحل بالعما شاف فتورية

احمد : تورية اش كدير هادي هنا

❤️الهوس الابدي❤️

البارت 151💥

✨نجوى

ركب فلوطو ديالو او تحرك مبقاش دار موراه اما فالداخل كولشي باقي مصدوم كيان متوقعاتش منو هاد الهضرة خصوصا كان حامق عليها او باغيها غير تكون ليه كيفاش دابا من اول نقاش بينو او  بين باها تخلى عليها عاصم عارف كواشي ولكن داكشي لي تافقو عليه ماشي هو لي طرا كان الياس ناوي الا ناض المشكل غادي يخطف كيان او يهرب بيها او يشرح ليها طيت ا طيت ولكن صدمو فاش خرج بلا ميديها فيها اما مروان او احمد فباقيين منوضين الصداع تورية ضرها راسها بهادشي اما حفصة فجلسات تتحس بالسخفة واحد كنزة ممستوعبة حتى حاجة مفهمات والو بقاو الرجال كيتخاصمو حتى تسمعات زدحة فالارض مكانت غير كيان لي لعبات عليها الصدمة بالمزيان او سخفات

تورية (بالغوات): اويلي بنتي مشات

سمعوها الرجال هوما يحبسو الغوات جات كنزة تتجري هبطات عند كيان تتحرك فيها ااما عاصم هز تيلي ديالو دغيا سيفط ميساج لالياس فيه "معرفتش ل اش كتخطط ولكن بغيت غير نقوليك بلي كيان سخفات "او حط تيلي احمد حتى هو مشا تيجري عند بنتو امما مروان فدار عند حفصة لي ولات سهتانة حركها او عطاها لما باش تصح شوية هزات كنزة تيلي او عيطات لومبيلونص باش تجي خصوصا ان كيان مبغاتش تفيق كبو عليها الما دارو ليها الريحة البصلة او اوالو واش تحركات

دازو دقائق قليلة او جات لومبيلونص هزو كيان او حتى حفصة حيت مبقاتش قادة توقف لقاو الكونسيو او السكار طاحو ليها اما كيان فدارو ليها الاوكسيجين او السيروم تبعهوم احمد او تورية فطونوبيل او كنزة او عاصم او مروان فطونوبيل خرا وصلو للكلينيك هبطو كيان بالزربة اما حفصة فبقات معاها واحد الممرضة داخلة معاها بشوية شوية او وصلو حتى لخرين للكلينيك دخلو كاملين بالجملة كل واحد عاس على المريض لي عندو شاف احمد فمروان لي جالس على الكرسي تيتسنى فالممرضة تخرج من عند حفصة او مشا لعندو

احمد : داكشي لي بديتيه نتا او مرتك ولدك كملو ليا فبنتي والله او توقع ليها شي حاجة منرحم شي واحد فيكوم

شاف فيه مروان ببرود او هبط راسو همو الوحيد دابا هو مرتو او صافي خرجات الممرضة من عند حفصة هو يدخل مروان بلا ميجاوب احمد شي لي استافزو علاش ميجاوبوش دخل عندها او جلس حداها تيشوفها تتشوف فالسقف