الهوس الابدي(قصة بالدارجة)

البارت 30

❤️الهوس الابدي ❤️

البارت 30🌞

كنزة : صافي صافي عطيني ناكل راني مواكلاش

بقاو كياكلو او مناغرين كل وحدة تعاير الخرى حتى كملو هبطات كيان الماعن دارتهوم فالغسالة تغسلو او حطات داكشي لي بقا فالتلاجة او طلعات للفوق عطات لكنزة دوا او تكات حداها كيهضرو فجميع المواضيع الا موضوع عاصم لي فينما كتبغي تجبدو كنزة كتلفها كنزة حتى كتنساه بقاو هاكاك حتى نعسو

اجي نمشيو عند #الياس

الياس : من نهار دخلات كيان لحياتي

عاصم : بحالة وليتي شاعر لا

الياس : دبا مالك كتقلب عليا ولا شنو

عاصم : لا بغييت غير نعرف شنو سبب هاد النشاط او صافي ااه ولا نسيت راه حبيبت القلب ولات قدامك دابا ياك

الياس : هانتا فهمتي دابا داز اليوم زوين عرفتي شنو هيا النهار كامل و هي قدام عيني

عاصم (بتوتر): الياس اشنو غادي يوقع من بعد فكر قبل مدير اي حاجة

الياس (بتأكيد): غادي تبغيني كيما كنبغيها واخا عمرها توصل لدرجة حبي ليها

عاصم : علاش ديما كتلف الموضوع نتا عارف مكندةيش على انها تبغيك ولكن شنو من بعد

الياس (جبد سيغار من جيبو او شعلو كيتنشوا عليه او هضر ببرود ): معرفتش عادي

يالله جا عاصم يهضر حتى صونا تيلي لالياس شاف شكون او جاوب

الياس : وي موسيو احمد

احمد : السلام سي الياس سمح ليا على الازعاج فهاد الليل بغيت غير نشكرك حيت وصلتي بنتي كيان حتى لعند صاحبتها

الياس : هدا واجب ديالي اسي احمد مدام ولات وحدة من الشركة فهي تحت مسؤوليتي

احمد : عاارف انا غير بغيت نشكرك او صافي المهم نخليك دابا تصبح على خير

قطع عليه او شاف فعاصم لي كيشوف فيه

الياس : عاصم بلع هضرتك مدخلش بيني او بين كيان

عاصم : هاني ساكت (ناض فحالو)تصبح على خير

دار ليه اشارة براسو كجوااب مشا عاصم او الياس بقا شاد السيغار لي فيديه او كيتنهد

الياس : غادي نخليك تبغيني