الهوس الابدي(قصة بالدارجة)

173 و 174 و 175

❤️الهوس الابدي❤️

البارت 173💥

✨نجوى

عند الياس واخيرا وصل قدام الفيلا ديال احمد هبط بالزربة داخل مع لباب دق حلات ليه الخدامة او دخل طلع نيشان لبيتها لقاهوم مجموعين قدامو احمد كيحاول يفرع الباب او تورية كتردد جملة وحدة

تورية : الا وقعات شي حاجة لبنتي عمرني نسمح ليك ااحمد هادشي كامل بسبابك

دخل بيناتهوم نيشان كيحاول يحل الباب شافو احمد هو يجيدو من يديه

احمد: اش جابك لداري ها اش جابك

الياس : كنقسم بالله او تكون واقعة ليها شي حاجة حتى تشووف الوجه لاخر

دفعو من عليه او بقى كيزدح فالباب حتى تحل دخل عندها او تبعوه هوما كاملين بانت ليه متكية مشا تينقز لعندها قاس ليها راسها لقاه طايب  تيحرك فيها باش تفيق بزز باش باش كتحل عينيها ولكن دغيا كتسدهوم الضاهر ان السخانة لاعبة عليها بالمزيان هو بالخلعة لي فيه بدا غير كيغوت

الياس : الله يحرق اصلكم جيبو الما عيطو على الطبيب ديرو شي حاجة او نتوما كتفرجو فيا (رجع شاف فيها)كيان كيان حبيبتي فيقي شوفي فيا (تيشوفها تتحاول تحل عينيها)هاكاك حلي عينيك شوفي فيا يالله هاني جيت عندك غير حليهوم

بقى تيهضر معاها اما احمد مشا هز تيليفونو او عيط للطبيب انس نيت قاليه يجي كنزة جابت الما او الكمادات اما تورية غير جالسة حدا بنتها من الجهة لخرا او تتحصر على حالتها خدا الياس من عند كنزة الما او بدا كيفزك دوك الكمادات او كيديرهوم ليها فراسها او فيديها او فرجليها باش تبرد شوية او متبقاش سخونة جا الطبيب  بغا يفحصها هو يجي احمد جر الياس بنطرة او دفعو جيهت الباب

احمد : هاهو الطبيب جا تقدر تمشي دابا ممحتاجينكش او من الاحسن تبعد عليها متبقاش تبان ليها

او سد عليه الباب بالجهد او سدو بالساروت خلا الياس واقف لتواني كيستوعب داكشي لي قال حتى طلعات معاه تخلط معاه التوتر او الخوف على كيان او الاعصاب بدا كيضرب فالباب او يزدح او يغوت

الياس : وا احمد خرج عندي لهنا بأشمن حق تتمنعني نقرب ليها ها بأشمن حق وا حل هاد الباب وا الله ينعل الزا*مل بوكوم حلو الباب الشماايت

كيان صدقات مريضة ماشي غير ناعسة اشنو ايطرا دابا خصوصا ملي احمد سد الباب على الياس ممخليهش حتى يطمأن على كيان

❤️الهوس الابدي❤️

البارت 174💥

✨نجوى

بقى كيغوت او يضرب فالباب

الياس : حتى واحد ميقدر يفرقني عليها سمعتو هي دياالي او غتبقى دسالي عمرك تحلم تكون لشي واحد من غيري