الهوس الابدي(قصة بالدارجة)

البارت 57

البنات هاني جيت سمحو ليا على التعطيلة عندي متيحانات كنكتب غير بزز انحط ليكوم شي بركة كتبتها كنتمنى تعطيوني رأيكم او ديرو ديك النجمة لي لتحت

❤️الهوس الابدي❤️

البارت 57💥

✨نجوى✨

#كيان

داخلة للشركة تتجري بعدما وصلها الشيفووور تعطلات 10 دقايق على الوقيتة لي خاصها دخل فيها ركبات فلاسانسور او كتدعي باش الياس يكوون حتى هو معطل

وصلات قدام المكتب ديالها طلات على المكتب ديالو هو اللول رتاحت حلات الباب ديال بيروها او هي تصدم فاش شافتوو ناعس بلاصتها بقات واقفة معرفات مدير ولا متقول واش ترجع فحالها ولا تمشي عندو يالله جات ضايرة باش تخرج حتى صدمها فاش هضر

الياس(باقي فنفس وضعيتو): كيان يالله دخلتي او اتخرجي

دارت عندو مصدومة وزادت تصدمات كتر فاش شافتو باقي فوضعيتو باش عرفها خارجة او اصلا باش عرفها بلي هي لي دخلات او ماشي شي واحد اخر

الياس(بابتسامة): عرفتك نتي غير بريحتك بلا متجيك غريبة

كيان : ها كيفاش ريحتي

الياس : فاش دخلتي من داك الباب ريحتك دخلات مع نيفي ريحت العوود هادئة

كيان : اه فهمتك دابا

الياس (حل عنيه او شاف فيها): تعطلتي ب 10 دقايق فراسك هادي

كيان : سمح ليا راه كنت عيانة او مفقتش بكري او تعطلت فالطريق

الياس : نسمح ليك بشرط

كيان : انا قابلة بيه

الياس : سمعي الشرط بعدا عاد شوفي واش قابلة ولا لا (شافها تتسناه يقول)اتبقاي تغداي معايا ديما او كولا نهار مكاينش اعدار حتى تسالي فترة التدريب ديالك او فينما بغيت انا

كيان : هاا ميمكنش نقدر منبغيش نتغدا ولا نخرج مع كنزة ولا نمشي للدار

الياس : ولكن نتي اصلا وافقتي او بنادم هو لي يحافض على كلمتو