الهوس الابدي(قصة بالدارجة)

136

❤️الهوس الابدي❤️

البارت 136💥

✨نجوى✨

الياس : نتا من ديما بابا او اتبقى هكاك معندك علاش تندم بالعكس كنتي احسن اب بالنسبة ليا يقدر كون كنا معاه مغنعيشوش خادشي لي عشناه معاك كان ممكن ميعاملنيش كيما عاملتيني نتا هو نتاحر ماشي بسبابك بل بسباب الضعف ديالو واش كاين شي واحد مرتو حاملة او مخطوفة فاش ميلقاهاش ينتاحر نتا كون كنتي بلاصتو واش كنتي اتستسلم انا كنعرف الناس ولادهوم تيتخطفو او لدابا باقي تيقلبو عليهوم هو مصبر حتى شهر او نتاحر مكانش كيبغينا قد لي كتبغينا نتا انا مفتاخر بيك او عمرني انقص من قيمتك واخا يوقع لي وقع

مروان : هضرتك فرحاتني كنت خايف تعرف او تنفر مني او حتى ماماك خافت لاتلومنا او تكرهنا ولكن هادا هو ولدي لي كنعرف (باس ليه راسو او ناض)انخليك ترتاح شوية راه باقي تابعاك الخطبة انا نهضر مع ماماك باش نمشيو معاك غدا ماماك متقولش ليها راه فراسك هادشي انا انقول ليها بلي سلمتي غير مؤخرا خلي داكشي يمشي كيماا باغيا هي

خرج مروان من الشومبر اما الياس فتكا فوق ناموسيتو شحال هاهو هم او تحيد من عليه صارح باه بكولشي هو بالصح محاقدش عليه او اي حاجة قالها ليه بالصح او من قلبو دابا بقات مو تفهمو ولكن هو تايق فمروان بلي ايقنعها او ايشرح ليها الامور على طريقتو بقات فكرة ديه او فكرة تجيبو حتى دخلات عندو مو كتسلت سحابليها ناعس

الياس : دخلي الواليدة دخلي بلا متسلتي

الام : جيت غير بغيت نهضر معاك

الياس : سيري تنعسي الواليدة حتى لغدا او نهضرو

الام(جلسات جنبو فالناموسية) : واش بالصح سلمتي

الياس : اممم هادشي علاش جايا تسوليني اه سلمت

الام (باست ليه راسو): الله يكملك بعقلك اولدي الله يرضي عليك احسن قرار خديتيه فرحت ليك

الياس : خادشي لي بغيت(هز ليها يديها باسها)نوضي تنعسي راه بقات ساعة او نوضو سيري رتااحي شوية

الام : واخا انا نمشي راه وجدت كولشي غظا نمشيو او نتقداو اي خاص باش نمشيو بيدينا عامرين نهار الخميس

الياس : انا انتكلف بكولشي بلا متعدبي راسك او حتى عاصم ايخطب كنزة ديك لي كان معاها حنا انتكلفو بكولشي نتي غير رتاحي

الام : واخا