الهوس الابدي(قصة بالدارجة)

153و154

❤️الهوس الابدي❤️

البارت 153💥

✨نجوى

عاصم : اودي داكشي معقد والله دابا انا بغيت غير نعرف لاياش كيخطط الياس

كنزة : اتعاود ليا دابا داكشي لي معقد باش نفهم الامور حيت صافي تقاديت او تهديت بقوة المشاكيل

عاصم : غير نشوفو طي بقات كيان او نطل على خالتي حفصة او نمشيو لشي بلاصة نعاود ليك كولشي كنواعدك

سكتات مبغاتش تزيد معاه الهضرة خصوصا شايفاه حتى هو حاير او متوتر ناضت من حداه

عاصم : فين غادة

كنزة (بللات شفايفها): غادي نطل على كيان تمشي معايا

عاصم : لا غير خليني حتى يخرجو والديها او ندخل دابا انمشي نشوف خالتي حفصة

اومات ليه او دخلات هي عند كيان او هو عند حفصة

دق عاصم او دخل من بعد مسمع الادن ديال مروان

عاصم : كيبقات

مروان : شوية الحمد الله (متنساوش راه سلم)عاد نعسات صونيتي على الياس

عاصم : صيفط ليه ميساج معرفتوش فين هو مقال ليا والو

مروان : الا جا قولها ليا بغيت نهضر معاه

عاصم : واخا المهم انا نخليكوم ترتاحو الا بغيتي شي حاجة انا برا

خرج برا حتى تيشوف احمد خارج مغوبش او تورية موراه دازو من قدامو بحالة مشافوهش اما هو غير شافهوم خرجو هو يدخل عند كيان او كنزة شاف فكيان بحزن على حالتها واخا دخل عندها متحركاتش مشافتش حتى جيهتو شاف فكنزة

عاصم : مالكوم شنو واقع

كنزة : اوف الدكتور وصى زعما عمي احمد باش ميضغطش عليها او يقلقها ولكن هو مكيسمعش راسو قاسح

❤️الهوس الابدي❤️

البارت 154💥

✨نجوى

عاصم : وا اشنو وقع اشنو دار

كنزة : المهم فاش دخلت لقيتو كيغوت او .....

#فلاش_باك

دخلات كنزة للشومبر ديال كيان لقات احمد كيغوت ناسي هضرة تاع الطبيب

احمد(بعصبية) : واش اعيباد الله حنا يالله نتهناو او تجي مصيبة خرا واش انا مرتاحش

تورية (شدات ليه يديه): احمد تهدن متنساش بنتك مريضة او نتا كتغوت

احمد : كيفاش بغيتيني نتهدن دابا غير قولي ليا (شاف فكيان لي مكيناش فهاد العالم او كتشوف فنقطة وحدة)شوفي حالة بنتك كي دايرة بسبابا شكوم بسباب ولد ديك المرأة لي مكتسوا مكتصلاح كولهوم بحال بحال عي خلات اسماعيل فنص الطريق حتى نتاح. ر او ها ولدها حتى هو خلا بنتي مرمية فالكلينيكات

دخلات كنزة فاش شافت الوضع اسزيد يخرج على السيطرة الا زاد هضر

كنزة : عمي احمد تقدر تخرج راه قال لينا الدكتور منعطيوهاش طاقة سلبية لي تخلي نفسيتها تهبط كتر من هاكة الا بغيتيها تصح عافاك خرج

بغا بهضر هي تقاطعو تورية فاش دفعاتو من ضهرو او دارت ليه اشارة براسها باش يخرجو

#العودة

كنزة : صافي هادشي لي وقع

عاصم : اوووف الامور غير كتزيد تعقد والله

بقاو ساكتين او جالسين حدا كيان حتى نعسات داز الوقت دخلات تورية او احمد لعند بنتهوم بعد ماتهدن احمد داز الوقت صونا لعاصم تيليفونو شاف شكون لقاه الياس شاف فكنزة او دار ليها اشارة بعينيه باش تجي عندو جات عندو او هضر معاها بهمس باش ميفيقوش كيان او نيت متسمعش هضرتهوم هي او والديها

عاصم : هدا الياس كيصوني انا انخرج نجاوبو نتي شوية او خرجي عندي واخا

كنزة : واخا صافي

خرج هو لقدام الباب بعد مسدو او جاوب فالتيليفون يالله ايهضر حتى سبقو الياس

الياس (ببرود): اشنو واقع

عاصم(بفقصة من نبرة صوتو) : لا مواقع والو غير ماماك او كيان فالكلينيك وحدة سخفانة او وحدة فاقت ولكن مصدومة صافي هادشي لي واقع