الهوس الابدي(قصة بالدارجة)

البارت 36

❤️الهوس الابدي❤️

البارت 36🌞

دارت عندها معصبة

كنزة : مالكي كضحكيي نوضي عاونيني

كيان (مقادراش تهضر بالضحك): هههه لا ميمكنش هههه ناري كوليتي  ههههه وراه بابا البارح قلت ليه راك مريضة او غنبات معاك ههه او غنبقا معاك حتى ليوم او قال بلا متجي ناري اصحبتي ضحكتيني

كنزة فييناهية مصدوومة هي اصلا ناضت مصدومة او مخلوعة او دابا زادت ليها كيان هاد الفعلة بقات كتشوف فاللخر لاحت عليها داكشي لي كان فيديها او دخلات للدوش دوشات او خرجات للسات حوايجها لقات كيان جمعات البيت او هبطات هبطات حتى هي الكوزينة او جلسو كياكلو فصمت

كيان : واش مقلقة من داكشي لي درت ليك

كنزة : لا لا والله ممقلقة عارفاك غير كضحكي معايا غير تفكرت اش وقع البارح

كيان : يالله عاودي ليا باش نعرف

بدات كنزة كتعاود ليها او كيان كتسمع لي بتركيز او اصغاااء تاام حتى كملات كنزة

كيان : ولكن علاش مسمعتيش ليه كان ممكن يكون عندو شي سبب لي يخليكوم ترجعو او تكملو

كنزة : كيفاااش نسمع ليه اكيان واش هو غابر عام او نص جا معطل بزاف كان ممكن الا جا فالايام اللولة الشهورة اللولة نسمع ليه ولكن عام او نص لا صافي هو مشا بنا حياتو حتى انا ابني حياتي بلا بيه

كيان بقات كتشوف فكنزة معرفات متقوول هيا فاهمة صاحبتها او شافتها اشنو قاصات فاش مشا او خلاها ولكن باقي عندها فراسها بلي عاصم كيبغي كنزة او ضروري يكون عندو شي سبب لي خلاه يمشي بلا ميسول هي كتعرف عاصم راه مدوزوش القليل بتلاتة بيهوم كانت كتشوفو كيكيهتم بيها كيكيشوف فيها حاطها فعينيه ميمكنش يمشي غير هكام او صافي تنهدات فاللخر رمات ليها الهضرة او سكتات خلاتها دير لي بغات

كيان : كنزة المهم حاولي تسمعي ليه باش متديريش شي حاجة لي تندمي عليها المهم نوضي لبسي عليك باش نخرجو