الهوس الابدي(قصة بالدارجة)

البارت 53

❤️الهوس الابدي❤️

البارت 53🌞

فاليل كانت جالسة كيان فبيتها تتفكر فالياس او كيفاش كان خايف فاش لقاها كتبكي كيفاش عنقها كيفاش هضر معاها بتاسمات بلا متحس هزات تيلي ديالها تتشوف فنمرتو ملي جات للدار او هي باغة تصوني عليه مي حشمات بقات تتشوف فاللخر وكلات امرها لله او صونات عليه مدازتش حتى دقيقة هو يجاوبها هو لي كان باقي فالشركة خدام على الوراق بما انه الشراكة لي كانت بينهوم او بين الشركة الخرى تقبلات او بالشروط لي دار الياس

كيان (بارتباك): سلام موسيو الياس

الياس : وي كيان خاصاك شي حاجة

كيان : لا لا مكاين والو بغيت غير نشكرك

الياس (تقاد فبلاصتو وتنهد):علاش غاتشكريني

كيان : على داكشي لي درتي معايا الصباح كون مكنتيش نتا كنت انشوه اسم الشركة او اسم بابا حتى هو

الياس : واجبي هداك غير متبقايش تبكي مكيجيوش معاك الدموع

كيان (حشمات): احم المهم شكرا بزاف تصبح على خير دابا او سمح ليا الا صدعتك

الياس: واش فيك النعااس

كيان (تلفات): اه لا لا لا مفياش

الياس (ضحكاتو): الا مفيكش النعاس نقدرو نهضرو شوية علاين ميجيك الا بغيتي

كيان : اه واخا ماشي مشكل ولكن الا شفتيني مجاوبتكش عرفني نعست

الياس : واخا صافي

بقاوو كيهضرو فالتيلي هضر ليها على راسو شوية او حتى هضرات ليه على راسها او كتقول ليه شحال من حاجة عليها هو واخا عارف هادشي ولكن بغا يسمع من عندها كووولشي كيتصنط ليها او هو فرحان مزال ممتيقش بلي راه كيهضر معاها او هي كتعاود ليه وصلات بيه انه يبقى فالشركة او مينوضش من مكتبو غير باش متفلتش عليه شي حاجة سمعها سكتات

الياس : كنبغيك فراسك