الهوس الابدي(قصة بالدارجة)

البارت 62

❤️الهوس الابدي❤️

البارت 62💥

✨نجوى✨

شاف فيها بهدوء تيوزن كلامو او اش غادي يقووول

الياس : قبل شهر دابا فالاجتماع لي درنا مع باباك او الشركة لخرى فاش خرجتي عيط عليك عاصم او هضر معااك او من ديك الساع غبر اشنو قاليك داك النهار

كيان (متوترة ): لا مقال ليا والو غير شي حاجة خاصة

الياس : انا كنعرف على عاصم كولشي حنا صحاب من الصغر يعني مكايناش شي حاجة خاصة بيناتنا ولكن الا مبغيتيش تقولي بلاش غنعرف بطريقتي

حيد عينيه عليها مقلق حيت مبغاتش تقوليه هو عارف نسبيا اشنو قال ليها ولكن باغي يتأكد باش يعرف كيفاش يتصرف رجع كيشوف فالوراق بجدية مخليها كتفكر غير بوحدها مدام صاحبو من الصغر يعني تيعرفو مزيان يعني كيعرفو فاش كانت هي او عاصم او كنزة مجموعين ولكن عمرها شافتو ولكن داك النهاار فاش شافتهوم كيبانو منساجمين بقات فكرة ديها او تجيبها فاللخر قررات تقوليه

كيان : الياس متقلقش مني هو قال ليا غير على علاقتو بكنزة او صافي

الياس(هز راسو فيها بشك) : واش قاليك علاش خلاها

كيان : اه قال ليا كولشي ولكن طلب مني منقول ليها والو هو قالها ليا غير باش منبقاش كارهاه حيت زعما خلا صاحبتي واخا لنا ممقلقاش منو حيت انا عارفاه مزيان ميمكنش يخليها بدون سبب

الياس : يعني قال ليك كولشي ولكن انا لي معرفتش هو علاش غبر واش مقال ليك والو زعما

كيان : لا مقال ليا والو ولكن راه كنزة قالت ليا بلي كل نهار كيوصلها بوكي د فووغ من عندو او هادشي مبقاتش قادرة تحملو

الياس : صافي واخا الا بغيتي تمشي غير سيري دابا او بلا متجي غدا نتلاقاو نهار الحفلة واخا

كيان : صافي واخا اصلا غدا غايخصني نخرج انا وكنزة نتقداو حوايج جداد للحفلة

الياس (تيضحك): هههه واخا سيري او رضو البال الا حتاجيتو شي حاجة صوني عليا او دابا يشوية عليك فالطريق

حركات ليه راسها بالايجاب او خرجات مشات نيشان للوطو ديالها تمشي لدارهوم  اما هو غير خرجات تنهد او رجع راسو اللور معرفش اش كيخطط ليه عاصم او موضوعو شاغل بالو خافو يتهور او يدير شي حاجة لي تآديه هو او كنزة هز تيلي او سيفط ليه ميساج فيه بلي كاين حفل من نهنا يومين او راه اتحضر كنزة او بلي خاصو يجي او يستاغل الفرصة حط تيلي ديالو او كمل خدمتو

كتبت ليكوم بارت طويل كيجااكوم ههادشي