الهوس الابدي(قصة بالدارجة)

123

❤️الهوس الابدي❤️

البارت 123💥

✨نجوى✨

كيان : صافي واخا انعلمك باش ما كان واش بالصح حتى هوما فرحت ليهوم

الياس (حط جبهتو على جبهتها): او مفرحتيش لينا حنا

كيان : لا بالعكس فرحانة او بزاف واله غير خايفة من ردة فعل واليديا او صافي (بعدات منو بتوتر) دابا الا مبغاوش واليديا ولا نفتارضو انهم قبلو بالخطوبة ولكن الزواج راه حتى انا مغاديش نقبل نتزوج بيك او نتا ماشي مسلم

الياس (بهدوء): كيان حبيبتي نهار الخطبة انهضرو فهادشي واخا نتي متشغليش راسك كولشي ايتحل كنواعد (باس ليها راسها)سيري جيبي داكشي فاش خدامة او اجي جلسي حدايا او خدمي

جابت كيان وراقيها لقاتو خوا ليها واحد البلاصة من البيرو حداه او حاط كرسي حدا كرسيه جلسات او حطات الوراق او كملات خدمتها او حتى هو دايها فخدمتو كيحاول يكمل دغيا باش ياالله يشد الطريق

بعد 4  تاع السوايع واخيرا سالا خدمتو رجع راسو لور او طرطق صباعو شاف فكيان لي باقي كتكتب قرب حداها

الياس : كيان اتكوني عييتي انا كملت الخدمة لي عندي نوضي نوصلك باش نمشي

كيان : وبكن انا مزال مكملت غير سير نكمل او نمشي بوحدي

الياس(تيجمع ليها الوراق لي قدامها) : لا منخليكش تبقاي هنا بوحدك بغيتي تكملي الخدمة كمليها فالدار يالله نوضي نوصلك

ضحكات ساهيا فيه او فتعاملو معاها عمر شي حد عاملها بحال هاكا بالصح كياهلاو فيها كيعاملوها مزيان ولكن معاملة الياس ليها غير ديك السيمانة اي كان مخاصم معاها حسات بحالة خسرات شي حاجة كبيرة عرفات راسها الا خسراتو اتكون اكبر غبية او حمارة شافها ساهية فيه هو يضربها لنيفها

الياس  :فين ساهية

كيان : فيك او شكون من غيرك لي واقف قدامي