الهوس الابدي(قصة بالدارجة)

97

❤️الهوس الابدي❤️

البارت 97💥

✨نجوى✨

اما كيان فمعارفاش حجم الالم لي تسببات ليه فيه من حقها انها تسولو كانت بفات تعرف كتر ولكن ملي شافت عينيه كيولاو او يديه لي زيرهوم على البوانيي تالباب خلاوها تراجع او تسد فمها خرج و تبعاتو من اللور شافت كيفاش الموضفين خايفين منوو او هادشي غير مزاد خلعها كانت حداه غادا كتجري حيت كان كيتمشا بالزربة او بخطاوي كبار بلا ميحس مبغاتش تقوليه حبس لايصدق مخلطها لدلك قالت حسن غير تسايروو وصلو لقداام لوطو او هو مزال غاع مرد ليها البال واش معاه حل الباب ديال السائق او ركب يالله حط السوارت باش يديماري هو يشوفها ركبات حداه شاف فيها باستغراب كيفاش وصلات لهنا بلا ميفكر سولها

الياس : ياك خليتك بالمكتب اش جابك لهنا كيدرتي ليها

كيان (كتنهج): سخفتيني اشمن خليتيني فالمكتب راه ملي خرجتي او انا حداك نتا تتمشى او انا تنجري موراك كي الحمقة

طلع فيها او هبط او ديمارا مجاوبهاش هي صاطت او قادات حوايجها او دارت السمطة دازت 15 دقيقة لقاتهوم قدام الكلينيك دخل الياس نيشان مسول لا على غرفة لا والو مشا قاصدها نيشان او هي تابعاه من اللور كي خيالو وصل للشومبر او دق سمع الادن بالدخول من عند عاصم هو يدفع الباب او دخل كان عاصم متكي فوق الناموسية او  كنزة ناعسة حداه داكخلة فسابع نومة ليها دخل الياس بالحس من بعد مدار ليه عاصم حركة بيديه باش يهضر بشوية وصل عندو تسالم معاه او بقى الياس كيمشطو بعينيه واش مضروب ولا لا كمش عينيه فاش شااف رجليه او يديه او جبهتو لي مجروحة يالله غيهضر حتى دخلات لعجاحة ديال كياان كتهضر بالغوات

كيان : وااااو شومبر ديالك وااعرة تقول بحالة جالس فبيتك ماشي فبيت فالسبيطار

ناضت كنزة على اثر صوت كيان مخلوعة حينت كانت كدوي بالجهت مع ديك النوضة لي ناضت طاحت من فوق الناموسية او غوتات ضار الياس عندها او خنزر فيها هو وعاصم او مشا عاون كنزة تنوض فحين كيان مفهمات حتى لعبة علاش خنزرو فيها

كيان مغادي دير عقلها حتى تحمقهوم كاملين شي توقعاات باش نكمل