❤️الهوس الابدي❤️
البارت 179💥
✨نجوى
تورية : احمد غلطي او بزاف او نزيدك نتا عارفني مكنافقكش فاش كدير شي غلط ولكن هادا ماشي خوووف على بنتك انما حقد او كره كنتي مخبيه من جيهة حفصة او راجلها او فاش ملقيتيش الجهد ليهوم دزتي لولدهوم لي هو ولد صاحبك او خوك اديتيه او نتا كنتي كتقول غير ايمتا نشوف ولدو ولا بنتو لي تزاد قداش ايكون او دابا فاش شفتيه معطيتيهش وجه نفوتوهوم هوما ولكن بنتك ا احمد بنتك واخا تكون كتبغي عدوك كنتي اتعاونها او تدير الطريق ليهوم كتشوفها كتعدب كل نهار قدامك او محنيتيش او هادشي غير ولد صاحبك يا حصرا
احمد: مفكرتش فهادشي انا شفت غير على اساس انه كدب علينا فشحال من حاجة او زيد عليها ولد داك السيد محملتوش يكون معانا
تورية : نقولو فاللول قلتي بلي هو ولد مروان ولكن فاش جا او شرح ليه او هضر معاك عاود ليك كولشي من اللول حتى للخر ولكن نتا بلاصة مترحب بيه جريتي عليه او منعتي عليه كيان هادي مدرتي فيها ميصلاح او سمح ليا الا بغيتي تصلح غلاطك صلحو محد باقي الحال اما الا فات الفوت فعمر شي واحد فيه ما يسمح ليك او اتضيع بنتك او ولد صاحبك صفي الخواطر او متبقاش هاز من جيهتهوم او هوما ميبقاوش هازين من جيهتك
احمد : واخا واخا عرفت غلطي انا نوض دابا نمشي نهضر مع كيان الا فاقت او ديكساع نشوف الحل (ناض غادي او هو يعاود يرجع عندها)او نتي خاطرك صافي من جيهتي
تورية : الا درتي الصح او صححتي غلاطك عاد غادي يصفى سير هضر مع بنتك سير
ناض او طلع للبيت عند كيان دق فالباب او حلات كنزة الباب
كنزة : عمي احمد بغيتي شي حاجة
احمد: تقدري تخليني انا او كيان بوحدنا بغيت نهضر معاها
كنزة : اهاه واخا
خرجات من البيت او فيها الفضول تعرف اش واقع هبطات لتحت او جلسات حدا تورية
كنزة : خالتي فراسك عمي احمد بغا يهضر مع كيان
تورية: فراسي او على ما بان ليا بلي راه دار عقلو او فكر مزيان او لقى بلي راه غالط او ايصبح الغلط لي دار
كنزة (بفرحة) : يااي واش بالصح وا هادي خبار كتفرح اوا على الله يكون هادشي بالصح
❤️الهوس الابدي❤️
البارت 180💥
✨نجوى
عند احمد غير خرجات كنزة دخل هو لقى كيان جالسة فالبالكون مغطية كتافها كطل على الجردة حسات بشي حد دخل هي دور شافت باها او هي تعاد تشوف فالجردة معارتوش اهتمام غاع تقول بحالة مدخل حد اما هو فقرب حتى وصل حداها او بقى تيشوف حتى هوفالجردة مدة طويلة كيحاول يستجمع افكارو او يعرف كيفاش يتعامل معاها
أنت تقرأ
الهوس الابدي(قصة بالدارجة)
Roman d'amour❤️ #الجدييييد_تاني جيت او جبت معايا الجديد تاني قصة ليا كتجمع من كل فن طرب كنتمنى تعجبكووم 🔥تقدييم🔥 🎀الهوس الابدي 🎀 ❤️بغاها لواحد الدرجة كبييرة كان ليه يد فقتل خطيبها او مقالهاش ليها دار المستحيل باش تبغيه هو من ديانة او هي ديانة واش غادي تب...
