الهوس الابدي(قصة بالدارجة)

البارت 27

❤️الهوس الابدي ❤️

البارت 27🌞

بدات كنزة كتحاول او والو واش يديها باتحرك شافت فكيان او دارت ليها براسها لا

كيان(بابتسامة كتحاول تطمأن بيها كنزة) : صافي مقدرتيش هانتي بلاتي نحيدو الماكياج ياك او نبدل ليك حوايجك او ندير ليك ماساج باش متبقايش هاكا او نتي رخفي النفس واخا متبقايش مزيرة على راسك باش مطراش ليك شي حاجة نتي عارفة بلي هادشي كولو نفسي
دغيا ايمشي واخا

ناضت كيان للدريسنغ لي عند كنزة فالبيت هزات 2 بيجامتت بنفس الشكل شورط او بيل ديالو وحدة فالزرق او الخرى فالمووف بدلات عليها ضغيا هزات ديماكيون او قطن او  كريم او  زيت باش تدير لكنزة مسااج او خرجات عندها لقاتها سادة عنيها كتحاول تكونسونطري راسها حلات عنيها فاش حسات بكيان جلسات فوق الناموسية هزات كيان قطن دارت فيه الديماكيون او بدات كتمسح لكنزة وجهها بابتسامة واخا هي لداخل ربي لي عالم بحالتها او هي كتشوف صاحبتها تحطمات تاني بقات كتمسح ليها حتى سالات او دارت ليها الكريم لبسااها بيجامتها او هزات الزيت بدات كتدلكها فيديها هزات يدين كنزة او مشات ليها لبلايص معينة من يديها او بدات كتماصيهوم ليها مزيان دارت نفس الشي مع اليد لخرى او مع الرجلين حتى هوما فاللخر قادات ليها المخدة مزيان او غطاتها او بقات غالسة حداها

كنزة (تسرحات ليها الهضرة شوي من مورا المساج): هو رج ع شف تو ليو م

كيان (كتمسح ليها على شعرها): ششش رتاحي دبا حتى تولي مزيان او عاودي ليا واخا او دسكساع نلقاو الحل ريحي اعصابك دابا انوض نقاد ليك متاكلي باش تشربي دوا واخا

كنزة : ولكن الدوا مبق اش

كيان : صافي انا نسخر العسااس يجيبو دابا او على الله يلقا شي فرماسيان حالا