الهوس الابدي(قصة بالدارجة)

159و160

❤️الهوس الابدي❤️

البارت 159💥

✨نجوى

الياس : ششش الا الدموع اكيان كنواعدك مولشي ايرجع كيكان وعد مني الا كان سحاب ليك اني انخليك من بعد هادشي كامل فميمكنش نفضل نموت ولا نخليك بغيتك تكوني قوية دابا بغيتك تكوني فجنبي الا كنتي مقهورة انا مقهور كتر منك ولكن عاونيني هاد المرة متخلينيش فحال الللول متفهمينيش غلط خليني حتى نعاود ليك او حكمي مديريش بحال كي درتي ليا فاللول (كيقصد فاش كان كيعاود ليها على جابر او شكات فيه او خلاتو)غدا غدا مع 6 تاع الصباح انجي لعندك لهنا انديك معايا نوضحو الامور الا بغيتي القرار كيبقى ليك غدا مع 6 الا جيت او لقيتك واقفة قدام الباب اتفهمي كولشي الا ملقيتكش انعرفك مبقيتيش باغاني او انمشي عمرك تشوفيني 

بقات كتشوف فيه منطقات بحتى كلمة او بالاحرى الصوت باش تهضر مبقاش دار غادي يمشي حتى كيحس بيديها شادة فيديه (عرفتو جاتني ديك الاغنية فراسي دابا ديال خارجة ويديا فيديه الحبيب ديالي😂💃💃💃💃معلينا نرجعو للقصة)دار عندها لقاها قلبات وجهها كتشوف فيه حركات ليه راسها ب اه او طرقات منو حيت واخا هكاك باقي عضامها مرخيين عليها او زيد عليها لسانها تقيل ديك اه لي دارت عتابرها اشارة ليه باش ميستسلمش باس راسها او خرج قبل ميجيو والديها او يصدقو فشي حاجة كتر  تسالم مع عاصم لي فالباب واو مشا خرج مخلي عاصم ضاارو راسو يعرف اش واقع
.
.
.
.
.
.
.
🔥اصبحنا واصبح الملك لله 🔥

اليوم اتبدل حياة ابطالنا او غادي نقول ليكوم للاحسن من بعد ماماشا الياس البارح بشوية جاو عائلة كيان لعندها اما كنزة فقال ليهوم الطبيب غير سخفات بقوة الستريس او هي مسخفات ما حتى لعبة غير طلبات الطبيب باش يكدب كيان بليل جا عندها الطبيب انس فحصها او قال ليهوم بلي ولات مزيان غير هو اتحس بالعيا او تقدر متهضرش هاد ليامات حتى الا هضرات غادي تكون هضرة تقسلة او قال ليهوم بلي يقدرو يخرجوها غدا من بعد مكملات كنزة التمتيلية او بلي مبقاتش فيها الدوخة مشات للشومبر تاع كيان او قنعات والديها باش يمشيو هي غادي تبقى معاها بعد محاولات طويلة واخيرا مشاو او خلاوها معاها فاش جلسات معاها طلبات كيان منها ورقة او ستيلو جابتهوم ليها او قالت ليها اش قال ليها الياس او طلباتها تعاونها خرجات كنزة عند عاصم او عاودات ليه حتى هي قررو يعاونوها بجوج

❤️الهوس الابدي❤️

البارت 160💥

✨نجوى

هاهي دابا 6 واقفة على رجليها كيان واقفة قدام الباب كيما قال ليها الياس واقفة حداها كنزة او عاصم لاطيح ولا شي حاجة خصوصا خارجين بالتخبية على كولشي او هي صحتها على قد الحال شوية او وقف الياس بلوطو ديالو حتى هو قدامهوم حل الباب او دخلها هو اللول عاد داز عند عاصم او كنزة تسالم معاهوم

الياس : شكرا بزاف عمرني نسا هاد الوقفة لي وقفتو معايا

عاصم : الله اودي اصاحبي مبيناتناش هادشي حتى نتا وقفتي معايا فشحال من حاجة

الياس : والله شكرا بزاف عاصم نوصيك غير نتحرك من نهنا سير عند الواليد او الواليدة فيقهوم او ديهوم للدار عندك حتى حد مكيعرفها نتي اكنزة سيري معاهوم باش متسمعيش الهضرة من عند والدين كيان او عاد الكاميرات كاينني الا ملقاوهاش ايشوفوكوم نتوما لي خرجتوها انا غير نكمل او نحل المشكل مغ والديها واخا

عاصم او كنزة فنفس الوقت : صافي واخا

كنزة : الياس راه كيان قال لينا الطبيب مكتقدرش تهضر دابا او حتى الا هضرات كتكون هضرتها تقيلة او عافاك رد ليها البال

حرك ليها راسو او دخل لوطو او كسيرا نيشان الوجهة مجهولة اما عاصم فدار بالضبط داكشي لي قال ليه الياس مشا دق على والديه او شرح ليهوم الوضع او كولشي واخا مو متقبلاتش فاللول هادشي لي كيدير ولدهاولكن قنعها مروان خرجو من الكلينيك كيما وصاهوم الياس او شدو طاكسي او مشاو نيشان للدار تاع عاصم لي كان شراها قاش كان غيتزوج ب كنزة فاللول حتى حد معارفها فين جات من غيرو هو او الياس

عند الياس دازت نص ساعة او هوما غاديين فسكون او صمت من غير الياس لي شاد فيد كيان او مرة مرة يهزها يبوسها او يعاود يرجعها قاطعات الصمت كيان بصوت متقطع

كيان : ف..ي..ن غاد..يين

الياس : شش متدويش دابا بالنسبة لفين غاديين خليها مفاجأة اتعجبك منها نهضرو منها ترتاحي شوية

من مورة هادشي صافي سكتات مبقاتش دوات اصلا مفيها باقي لي يدوس بقاو غاديين بافي شوية او هو يوقف فواحد البلاصة زوينة بزاف فيه ديور صغيورين على شكل اكواخ او الشجر حداهوم وقف قدام واحد الكوخ او قاد لوطو بلاصتها او هبط ضار جيهت كيان حل ليها الباب عاونها توقف حتى وقفات او هزها هي لي كانت مبهورة بالمكان او جماليتو غير هزها هي تخشا فيه محاولاتش تبعد عليه هادشي خلى الياس يطمأن او يكون مرتاح