الهوس الابدي(قصة بالدارجة)

128

❤️الهوس الابدي❤️

البارت 128💥

✨نجوى✨

طلعات لبيتها كتجري فرحانة حيت وافقو دخلات لبيتها هزات تيليفونها او صونات عليه

هو غير شي فها صونات فرح او جاوبها ديكساع مخلاتلوش المجال فين يهضر

كيان (بحماس): وافقو وافقو والله حتى وافقو

الياس (بعدم تصديق): كيان مكتضحكيش معايا ياك

كيان : لا لا مكنضحكش عاد دابا ساليت معاهوم الهضرة او وافقو

الياس : اووف رتاحيت دابا صافي وجدي راسك نهار الخميس الخطبة  علمي معاك حتى كنزة او وجدو راسكوم غدا فاش نجي نشوفك

كيان : واخا طريق السلامة

قطعو على بعضياتهوم ناضت كيان خارجة من البيت حنيكاتها مزنغين او الضحكة خارجة من عينيها خرجات لقات باها واقف قدام الباب

كيان : بابا بغيتي شي حاجة

احمد : لا مبغيت والو (عنقها جنب هابطين فالدروج) واش مرتاحة معاه او فرحانة

كيان (كتعبر ليه بكل حب او حماس): اه ابابا فرحانة معاه بزاف كيعاملني بواحد الطريقة زوينة داير ليا خاطري او مفششني عرفتي ابابا كيشبه ليك من ديما كنقول ليك كنتمى لقا شي راجل يكون بحالك فكولشي حنانتك عصبيتك او كولشي او عادشي كامل لقيتو فالياس

احمد: اوا صافي ريحتيني الله يكمل عليك بالخير ابنتي او يهديه يسلم باش تكمل ليكوم الفرحة او حتى حنا نكونو هانيين ايمتا قاليك ايجي

كيان : نهار الخميس ايجي هو او والديه اه او حتى كنزة او عاصم تصالحو او غادي يديرو الخطبة معانا

احمد : هي الفرحة ولات فرحتين اوا الله يواتيهوم حتى هوما صافي دابا نهضر مع والديها او نقوليهوم يجيو يوجدو معانا باش حتى هوما يشوفو الديكور لي يناسبهوم