الهوس الابدي(قصة بالدارجة)

164 و165 و 166

❤️الهوس الابدي❤️

البارت 164💥

✨نجوى

تلاقاو الامهات فالبلاصة لي دارو كانت ريسطو محترمة او راقية جلسو فالكراسا من بعد متسالمو او طلبو اش بغاو

تورية : المهم احفصة نتي عارفة عيط عليك باش نهضرو على ولادنا ياك

حفصة : اه عارفة اصلا قبل مدوري كنت مقررة انني نهضر مع احمد او نعاود ليه باش يحيد داك سوء تفاهم لي بيناتنا او يحل عينيه على الحقيقة

تورية (شدات فيد حفصة): شوفي حنا قبل منكونو امهات ولا عيالات الصحاب كنا صحابات او خواتات غير فرقاتنا الضروف اليوم تقابلنا كامهات كنطلبك عاودي ليا كولشي انا اللولة باش نعرف كيفاش نتصرف انا كنعرفك مزيان متقدريش تخوني اسماعيل كنتي كتبغيه بزاف عاودي ليا انا اما احمد دابا متحاوليش معاه حيت واصلة بيه للعضم من مورة داكشي لي دارو الدراري

حفصة : انا متفهمة الدراري معندهوم حتى خيار من غير يبعدو ميمكنش مفرقوهوم على قبل مشاكلنا حنا الكبار اما بالنسبة للخييانة انا مخنتش اسماعيل او مهربتش انا مروان خطفني ........ بقات كتعاود ليها عاودات ليها كواشي من اللول للخر بلي الياس ولد اسماعيل او اش دار ليها اسماعيل او كسفاش عيشها فالويل كيفاش طلب منها طيح الجنين او بلي كان مدمن كولشي حطاتو ليها مخلات حتى فرتيتة وحدة

حفصة : صافي هادشي لي كاين اسماعيل كدب على احمد فاش قاليه انا هربت او دابا داكشي ديال الماضي غادي يتبع ولادنا

تورية : هادشي كامل داز عليك اصاحبتي سمحي ليا حيت مكنتش معاك او معاونتكش ولكن دابا حنا رجعنا تجمعنا ياك غنصلحو الاغلاط تاع الماضي غادي نعاونو ولادنا يبقاو مجموعين خاصنا نديرو يد فيد باش نتعاونو او ان شاء الله احمد يقتانع او يخلي الولاد يعيشو بيخير

من مور متافقو الصحابات او رجعو كيكانو زمان تفكرو ياماتهوم ضحكو او بكاو مع بعضياتهوم 3 تاع السوايع او هوما بجوج مشابعينش حتى صونا احمد على تورية كيسولها فينها حيت فاش هدا شوية هبط او ملقاهاش خبراتو بلي مشات غير تجيب شي حوايج او صافي  ودعات حفصة او مشات اما حفصة صونات على مروان جل ليها او رجعها للدار او فالطريق عاودات ليه كولشي

الصحابات رجعو بقا غير احمد لي يقتانع😭

❤️الهوس الابدي❤️

البارت 165💥

✨نجوى

اليوم داز كيان بقات مع الياس النهار كامل او هوما فالكوخ مخرجوش هو كيطيب او يدير كولشي او شاد ليها الخاطر او نفس شي لعاصم او كنزة او مروان او حفصة اما تورية فاش وصلات للدار غير شافها احمد او بدا كينغر مقدرات تعاود ليه والو من داكشي لي قالت ليها حفصة وصل الليل كل واحد نعس من غير احمد مجاهش النعاس او مخلاش تورية تنعس ضل كيتقلب فوق الفراش او يتنهد او يفكر او هي دايرة راسها ناعسة حيت الا بقات فايقة غادي غير ينوضووها