الهوس الابدي(قصة بالدارجة)

157 و 158

❤️الهوس الابدي❤️

البارت 157💥

✨نجوى

وقف الياس قدام الشومبر او دق بتردد سمع صوت مروان كيقوليه يدخل دخل او طل من الباب حشمان من مروان او ماماه حيت بسبابو طرا ليهوم هادشي كامل او سمعو الهضرة على ودو دخل حاني راسو بعد ما سد الباب عليهوم شاف فيه مروان او ناض من حدا حفصة لي كانت باقي ناعسة وقف قدامو او شاف فيه

مروان(حط يديه على وجهو) : علاش حادر راسك  امم واش انا ربيتك باش تحدر راسك

الياس (هز راسو حتى تقابل معاه): سمح ليا انا السباب فهادشي كامل كان عليا نعلمكوم عندمن غاديين او كولشي سمح ليا على الهضرة لي سمعتو بسبابي

مروان (عنقو): الياس ولدي نتا ماليك ذنب بالصح غلطي فاش معلمتيناش من قبل على الاقل كنا انكونو مستاعدين مغاديش نتفاجؤو بحال هاكل ولكن هانيا نتا مدرتي والو ماشي نتا السباب هادشي كامل بسبابي انا او نتا عارف هادشي نتا لي سمح ليا حيت خليتك تعيش هاد اللحضة كون مخطفتش ماماك فالماضي كان ممكن على ما اضن دوز الخطبة على خير او مزيان ولكن انا السباب فكلشي

بادلو الياس العناق : ان شاء الله كولشي ايرجع كيكان كنواعدك الواليد كولشي ايتحل خلي ليا شوية تاع الوقت او صافي

مروان : الله يسر ليك اولدي

فصلو العناق مبتاسمين لبعضياتهوم دور الياس راسو جيهت مو لي باقة ناعسة بسباب الدوا لي عطاوها مشا عندها باس ليها راسها او تحدر لحدى ودنيها

الياس (بهمس): سمحي ليا على الحالة لي وصلتك ليها وعد مني انرجع كولشي كيكان او حسن من قبل غاع

عاود باس راسها او دار عند مروان : انا انمشي نشوف كيان حتى هي من بعد او نعاود ليك كولشي دابا معنديش وقت

اوما ليه بالايجاب مخليه على خاطرو محاولش يحبسو على كيان حيت هو براسو خطف لي كيبغيها غير باش تبقى ليه بالعكس هو واقف معاه او ناوي الا قتضى الحال يعاونو غاع غير باش تكون ليه 

خرج الياس من عندهوم او مشا لعند عاصم لي شاف الياس هو يدخل لواد الشومبر حدى الشومبر تكيان تبعو الياس من اللور

عاصم : المهم حنا انبقاو هنا حتى نشوفو كنزة اش دارت

❤️الهوس الابدي❤️

البارت 158💥

✨نجوى

الياس : صافي واخا صوني عليها قول ليها تبدى

هز عاصم تيلي او صونا عليها هي لي كانت هازة تيلي فيديها غير شافتو كيصوني فهمات البلان دارت راسها نايضة او هي ترجع بالجهد لبلاصتها حتى خلعات احمد او تورية حطاات يديها على راسها او هضرات

كنزة(كتمتل عليهوم او كتهضر سهتانة) : اح اراسي مبقيتش قادة نحل عيني اخالتي رجلي مبقيتش قادة نحركهوم

تورية : اويلي ابنتي بشوية عليك ياربي السلامة بناتي ضارباهوم شي عوينة اجي نعاونك تنوضي نشووفو هادشي

ناضت تورية كتعاونها من نيتها فحين احمد مخلوع معرف اش يدير عاوناتها تنوض مسنداها عليها او كنزة دايرة راسها مقاداش يالله تورية بغات تقادها فالوقفة او هي تسد عينيها سخفات طاحت على الارض واخا تقسحات ولكن صبرات راسها او كملات فالتمتيلية  ناض احمد بالزربة عندها كيحاول يفيقها اما تورية فغير مصدومة او حاطة يديها على فمها ناض احمد بالزربة خرج للباب كيعيط على شي طبيب ولا ممرض هادشي كامل تحت انضار الياس او عاصم جاو الممرضي هزوها فبياص او داوها تبعاتها تورية او احمد يشوفو مالها عاد يرجعو عند بنتهوم لي ناعسة هنا استغل الياس الفرصة شاف فعاصم او هضر

الياس : تسناني قدام الباب شوية او نرجع

بقا عاصم قدام الباب اما الياس فدخل عند كيان لي كانت حالة عينيها فاقت فاش سخفات كنزة او والديها بداو تيغوتو مفهمات والو او عقلها مبقاش قادر يستوعب شي حاحة خرا دخل عنظها او سد الباب كيشوف فحالتها كي ولات بسبابو او لي كان ناوي يدخل لحياتها غير باش يفرحها صدق هو سبب حزنها قرب ليها بشوية حتى وقف قدامها تيشوف ليها فعينيها لي غير شاغوه بداو كيدمعو هبط عندها براسو باس ليها راسها او همس ليها فودنيها

الياس : سمحي ليا مكنتش باغي هادشي يوقع

سدات عينيها من قربو ليها حتى هبطات دمعة من عينيها او تبعوها دموع هز يديه تيمسح ليها الدموع

هاني جيت تاني