Mr. Kuripot and his Yaya

Part 29 (The Doctor)

*Mr. Kuripot and his Yaya*

Chapter 29 (The Doctor)

(Fred POV)

“Fred?”
“Yes Sir?’
“after lunch, report mo sakin kung anong lagay sa manufacturing department”
“Yes Sir”

Nandito kami ngayun sa opisina nya at kasalukuyang may mga ginagawa. Ako nag peprepare ng presentation nya para sa meeting bukas. At sya naman nakikinig ng recordings ng mga meeting ng Daddy nya dati sa Company. Kung tutuusin ka, malaking tulong yung mga recordings sa kanya.

“Fred? Mas mabuti siguro kung ako mismo ang pupunta sa department”
“mas okay po sana Sir, kaso maingay po masyado dun. Okay lang naman po kung ako na lang”
“okay lang, tayo na lang dalawa. Mas mabuti na masigurado kong lahat gumagawa at nasusunod ang process.”

Sumang ayon na lang ako sa kanya. Tapos bumalik na uli sa ginagawa namin. Pagkatapos ko, kinuha ko na ang flash drive nya para malagyan ng copy para siguradong may extra.

“Fred. Halika nga”

Lumapit ako sa kanya. Iniaboit nya sakin ang isang earphone nya.

“Itong boses na to. Kaninong boses ba to”

Sinuot ko yung earphone at tumingin sa laptop nya na nasa video. At tiningnan kung sino yung nagsasalita sa pinakikinggan nya.

“Hindi pamilyar sakin ang boses na yan. Kilala mo ba?”

Tinitigan ko yung video ng mabuti at kinilala yung nagsasalita. Kumunot ang noo ko at nanalaki ang mata, parang pamilyar sakin yung lalake.

“Sir? Wait lang ha.”
“bakit?”

Kinuha ko uli ang laptop ko at tiningnan sa past schedules na tugma sa date ng video kung sino ang mga umattend sa meeting ng araw na yun. Pero wala yung nasa video at pito lang ang naka register sa names. Nagtaka ako bigla at bumalik upang tingnan uli sa laptop ni Sir Nero.

“Fred? Ano ba yun?”
“sandali lang po”

Finorward ko na yung video hanggang sa dulo kung saan lalabas na sila ng opisina. At kasabay na kasabay mismo ni Sir Michael na lumabas yung lalake.

“Fred!”

Napatingin ako kay Sir Nero.

“nakilala mo ba? Kaninong boses?”
“hindi ko po kilala eh. Pero pamilyar po”
“pamilyar? Sayo? Paano?”
“yung tao po na nagmamayari ng boses na tinatanong ninyo ay wala sa register ng mga taong kasama sa meeting ng mga oras na yan.”
“teka, pano nangyare yun?”
“Hindi ko rin po alam. Pero mukang kasama sya ni Sir Michael. Sabay silang lumabas ng opisina eh”
“nakita mo ba ang muka?”
“Yes Sir”

Tumahimik sya saglit at parang nag isip.

“sige. Hanapin mo kung sino sya. Ipaalam mo agad sakin pag nalaman mo”
“Yes Sir.”

Babalik na sana ako sa upuan ko ng tawagin nya uli ako.

“Sandali lang”
“Sir?”
“Si Martha? Kasama ba dito sa Video?”
“Hindi po. Bakit po”

Umiling iling na lang sya.

“ahhh. Sige po. Tatapusin ko na po itong gagamitin nyo sa meeting. Tapos susubukan ko pong hanapin yung pinapahanap nyo.”

Sumang ayon na lang sya. Kaya ganun na nga ang ginawa ko. Ang totoo. Kilala ko na yung lalake, hindi sa pangalan o sa muka. Kundi dahil sa braso nito. Naalala ko yung bumangga sakin. Yung tattoo na butterfly. Meron sya  nun. Hindi rin ako pwedeng magkamali. Alam kong sya yun.

(Alexandra POV)

“Ate?”
“o, andyan ka na pala. Halika na bilis”

Kararating ko lang dito sa ospital, mag aalas dos na ng hapon at schedule na ng check up ni Nanay.