YOU ARE READING

DARK STRAWBERRY [COMPLETED]

Random

The Dark Strawberry Means 2028 Love~ •age gap• :Zawgyi & Unicode: Own Story - Burmese It is the story of love between an adoptive father and son!! If you don't like this type, don't read it ‼️

#agegap #drama #parkbyun

_58

1.1K 139 18 
                                        

                                                  
Uni
ယနေ့က မိုးရွာသည်။
မနက်ကတည်းက တိမ်တွေပြိုတော့မလို အနေအထားနဲ့ ကောင်းကင်ဟာ ယခုထိ အလင်းရောင်မရှိဘဲ ပကတိမဲမှောင်နေဆဲဖြစ်သည်။
"ပြတင်းပေါက်နား ရပ်မနေနဲ့နော် ဘတ်ဟျွန်း! အအေးမိမယ်"
ပြတင်းပေါက်ဘောင်ပေါ် လက်ထောက်ပြီး ပျက်ယွင်းနေတဲ့ ပတ်၀န်းကျင်ကို ငေးကြည့်နေသည့် ဘတ်ဟျွန်းထံကို မီးဖိုချောင်ထဲကနေ ယောင်းမကြီးအားကိုင်ရင်း ပြောလာသည့် ဒယ်ဒီ့၏ အသိပေးသံရောက်ရှိလာသည့်အခါ ချက်ချင်းပင် ပြတင်းပေါက်ဘောင်ကနေ ခွာလိုက်၏။
အဆက်မပြတ်ရွာသွန်းနေသည့် မိုးရေတွေက 
မနေ့တနေ့ကမှ လောလောလတ်လတ်စိုက်ပျိူးထားသည့် ဟင်းသီးဟင်းရွက်အပင်စုံတွေအပေါ် တစ်ဖွဲဖွဲ ကျနေသည်။
"ထမင်းရတော့မယ် လာတော့"
တစ်ပြိုင်နက် မီးဖိုခန်းထဲက အိမ်ထောင်ဦးစီးကြီး၏ စကားနောက်မှာ ဟင်းရနံ့သင်းသင်းတွေကပါ လှိုက်ကနဲ ပါလာသည်။ဘတ်ဟျွန်းက ဒယ်ဒီပင်ပန်းမှာစိုး၍ ဟင်းကူ၍ ချက်ပေးချင်သော်လည်း ဘတ်ဟျွန်းကို လေသံမာမာဖြင့် မာန်မဲကာ အေးဆေး ထိုင်စေပြီး ဒယ်ဒီကသာ မီးဖိုချောင်ထဲ တစ်ယောက်တည်း ပြင်ဆင်နေသည်။ဘတ်ဟျွန်းက ကူညီပေးချင်တာတောင် အငေါက်ခံနေရတာမို့ မငြိမ်ချင်သော်ငြား ငြိမ်နေရသည်။
"မွှေးနေတာပဲ"
"လက်အရင်ဆေး"
"ဟုတ်ကဲ့"
ဒီရက်ပိုင်း ပြောသမျှစကားနားထောင်ပြီး လိမ္မာသယောင်ရှိနေသည့်ဘတ်ဟျွန်းကို ချန်းယောလ်က လှမ်းအကဲခတ်သည်။ချန်းယောလ်နဲ့ဘတ်ဟျွန်းဆက်ဆံရေးကတော့ ချန်းယောလ်ဘက်က ထိုနေ့က 'ချစ်တယ်'ဟုပြောထားသော်လည်း အခြေအနေတွေကတော့ အရင်က ပုံမှန်အ​ခြေအနေအတိုင်းပဲပင် ဘာမျှမပြောင်းလဲ။
"ထမင်းကိုသေချာစား ဒီရက်ပိုင်း အရမ်းပိန်နေတယ်"
ကိုယ့်ကိုကိုယ်ပိန်သွားတာတောင် သတိမမူမိတဲ့ ဘတ်ဟျွန်းမှာ ဒယ်ဒီက သူ့အပေါ် အရေးတမူ ဂရုစိုက်မှုရှိတာကြောင့် ထမင်းလုံးလေးအား ဝါးနေတဲ့ ပါးစောင်တွေဟာ မို့တက်ရင်းလှုပ်ရှားနေသည့် နှုတ်ခမ်းပါးတွေကလည်းအပြုံးလှလှလေးပါ ဖန်တီးမိသွားသည်။
DARK STRAWBERRY [COMPLETED]Where stories live. Discover now