السلام عليكم ورحمة الله وبركاتة
أولاً ردوا السلام ولي ولكم الأجر .
ثانياً بقي البوست دا قابل للانتقاد علي الرواية .
انا محبطة اوي يا جماعة
في بعض الكومنتات كدا بتحرق دمي أو خلينا نقول بتحبطني
هل أنا فعلا روايتي مافيش منها استفادة ؟
هل فعلا روايتي بتتصنع أنها تكون دينية ؟
هل فعلا روايتي وحشة وفيها اشياء مش كويسة ؟
انا مش هقول اني برفكت انا عارفة أنه عندي أخطاء كتير ومسحت مشاهد كتير وضفت مشاهد وعدلت من سردي كتير واللي متابعني اكيد ملاحظ التطور في السرد والأحداث خصوصاً أنها أول تجربة ليا
بس حرفيا رغم أنه كان حلم حياتي اكون كاتبة روائية مشهورة والحمدلله سلكت طريقي ، إلا أني ندمت جدا .
حزينة جدا علي اللي بيقول أنه روايتي مملة أو مافيهاش طابع ديني .
اة نعم في اللي متدايق من محمد وطريقة انتقامه ، بس الي عايزة أقوله أنه لكل فعل رد فعل ، ودا رد فعل محمد ، وهو دمه محروق ومش بيفكر غير في الانتقام .
+ انا اتخترت الطريقة دي بالذات عشان في وقتنا الحالي في أشخاص كتيرة اوي شبه محمد واللاسف أسواء منه ، وفيه أشخاص كتير شبه ريهام .
فانا حطيت القصة دي عشان البنات تاخد عظة وتقفل علي قلبها بالضبة والمفتاح حد اما ربنا يبعتلها قرة عينها حد باب البيت ، مش يخبطلك من الشباك !
+ بالنسبة للتأخير في نزول باقي الرواية ، ف انا امتحاني خلاص الشهر الجاي شهر يونيه يعني خلاص رحلة الثانوية العامة مقبلة علي الانتهاء ، مش عايزة غير الدعاء بجد لاني محتاجة الدعاء جدا انا وكل طالب وطالبة .
بس بجد مؤسف جدا اني يكون ضغط مذاكرة وخوف من الامتحان دا غير مشاكلي العادية وفوق دا كله احباط كمان في روايتي اللي هي حلم حياتي بجد 🤦🏼♀️
انتقدوني اة بس انتقاد بناء مش هدام ، اختاروا الطريقة اللي تتكلوا بيها ، اما نفضل الصمت ونترك المجال للي بيعرف يتكلم وينتقد انتقاد بناء .
وهنا بقي حابة كل بنوتة قرأت روايتي تقولي :
اي اجمل حاجة في الرواية ؟
واي أسواء حاجة فيها ؟
اي اللي حابين اني اعدله فيها ؟
هل روايتي غيرت فيكم وخلتكم تقربوا من ربنا اكتر ؟
هل أثرت علي حياتكم بالايجاب ولا بالسلب ؟
هل شايفين أنها ذات طابع ديني في بعض ابطالها ولا شايفين أنه هبد وخلاص ؟
انا عارفة اني مش مظبطة كلامي وملخبطة بس اما بفضفض للي بيهمه بس مش اكتر ، ممكن يكون بالنسبالكم مجرد كومنت والسلام ، بس بجد بالنسبالي بيترتب عليه مود يومي ممكن يكون يخليني طول اليوم سعيدة وفرحانة وبذاكر بصدر منشرح وكومنت يخليني ابقي عايزة امسح الرواية 🤦🏼♀️
تنسوش تصلوا علي النبي عشرًا قبل ما تمشوا
"اللهم صلي وسلم وبارك علي سيدنا محمد"
تذكروني في دعائكم ❤️
#شهد_حسوب
أنت تقرأ
خاطفي | My Kidnapper
Romanceاستيقظت علي صوت هادئ يتلو بعض آيات القرآن الكريم ، بث في قلبها بعض الامان ، لا تعلم لما تذكرت والدها وظنت أنه هو من يتلو القرآن . اعتدلت من نومها وأخذت تنظر في أرجاء الغرفة تتذكر ماذا حدث ، لحظة ، اثنان ، ثلاثة ، اختطاف ، خوف ، ذعر ، اعتداء ، شماتة...
