عزيزي، ازيك..وحشتني يا راجل!
كدا يا عزيزي! كدا متسألش عليا وأنا بواجه الحزن وبنتصر عليه؟ معلش معذور..متاعب الحياة كتير..
يلا متنساش تحط Vote عشان البارت يستغفرلك يلا..
________________
في الصباح بمنزل داغر، كعادة العائلة مجتمعين على الطاولة الصغيرة الخاصة بالطعام، وزينات تُحضِر طعام الإفطار من الداخل بسرعة حتى يلحق كلًا من طفليها تناول لقمتين حتى، تنفس داغر بقوة مقررًا أن تلك هي اللحظة المناسبة لإخبارهما بالكارثة المُقْبِل عليها.
-يلا يا سمر كُلي يا حبيبتي عشان تلحقي دروسك، وأنت يا داغر كُل يا حبيبي متقعدش كدا.
أومأ بهدوء، وظل يلعب بلقمته في طبق الفول، حتى توقف متنهدًا بقوة وهو يرفع لقمته ليضعها بفمه، وقبل ذلك ألقى قنبلته:
-أنا هتجوز.
ومضغ اللقمة بهدوء بعد العاصفة التي تسبب بها، زينات التي توقفت اللقمة في حلقها وظلت تسعل بقوة، وسمر التي توقفت عن مضغ الطعام ناظرة لداغر بذهول، مد داغر يده بكوب الماء لوالدته لتلتقطه وترتشف القليل حتى تبلع اللقمة، وما إن ابتلعتها حتى تحدثت بتوجس وهي تضع يدها على صدرها:
-أنت قولت إيه يا قلب أمك؟
كرر كلمته وهو يشبك يده على الطاولة أمامه:
-هتجوز.
لطمت على صدرها صارخة:
-هتتجوز عرفي يا داغر؟
-هو أنتي ليه دايمًا محسساني إني فعلًا متجوز عرفي ومخلف أربعة! هو أي حاجة عرفي وخلاص؟!
أشارت عليه:
-ما أنت أهو بتقول هتتجوز!
هز رأسه متسائلًا بإنفعال:
-يعني إيه يعني؟ هتجوز يبقى هتجوز عرفي؟ مفيش جواز شرعي في قاموسك خالص يا أما!
ابتلعت لعابها بارتباك:
-طب قولي هي مين، وشكلها ايه، انطق.
ضربت سمر على الطاولة بغضب:
-أوعى تكون هتتجوز البت المقصعة اللي اسمها أمينة!
أجاب بتوجس وهو ينقل نظره بينما بتوتر:
-لأ طبعًا دا أنتي تآكلينا في بؤق واحد.
رمقته زينات بشك:
-البت فتحية بنت بياعة الخضار؟
-دي متجوزة وعندها عيلين يا أما!
همست سمر بفحيح وهي تطالعه بترقب:
-يبقى أكيد عينك وقعت على البت تفيدة بنت إحسان، البت مش مظبوطة وحركاتها مش عجباني.
ازدرد لعابه متوجسًا وصاح:
-العروسة مهياش من الحارة أصلًا!
أنت تقرأ
لن أُفلت يدكِ
Storie d'amoreيقولُ فِي وَصْفِها: إِنها الحَسْنَاءُ المُتَنعِمَة فِي الدِّيبَاجِ.. تسْرَحُ فِي المُرُوجِ.. تَأْكُلُ مِنْ العَنقُودِ.. تَبْتسِمُ فِي وَجْهِ الجُنُودِ.. وَتَتدَلل كَمَا الوُرُودْ.. وعِنْدَ القَرَار تَصيحُ كَالنَمْرُودْ.. هِي فَتَاةٌ تَرْفضُ القيو...
