دُرة الزين ( يتم تعديلها كتابياً )

الفصل 14

"اللهمَّ صلِ وسلّم علىٰ سيّدنا مُحمّد."

لا إله إلا أنت سبحانك إني كنت من الظالمين 💜.

__________________________________________

كانت تجلس في غرفتها شاردة فيما حدث بشكل مُفاجئ بل صادم لها كما أنها لم تستوعبه بشكل كافي بعد، طلب يدها للزواج أمام الجميع ! كيف حدث ذلك؟
رغم السعادة التى كانت تجتاح قلبها إلا إن كبريائها كان يطالب بعدم مسامحته بسرعه هكذا لتعاود تذكرها لحديثه معها...

Flash back,..

" أنا عارف إن كل اللي حصل صادم ليكِ أو لسه مستغربة اللي حصل، وفاهم إنك مستحيل توافقي عليا بعد اللي كل دا بس اسمعيني يا هاجر وبعدين قرري ممكن؟ "

كان يُحدثها بنبرة حنونة تظهر فيها رجاؤه لها لتتذكر كلام دُرة قبل قليل وألا هو" أنه من حقه تسمعه لمرة واحدة ، كما أنها كانت تريد ذلك رغم جُرحها منه، أشارت له برأسها ليبتسم هو ويُتابع حديثه بهدوء..

" لما صحبتك جت قالتلي كده أنا صحيح صدقتها ومفكرتش اوجهك حتى، خُفت لو عندها حق فعلاً لأنك كنتي في أولى ثانوي يعني احتمال تصرفاتك تبقى مراهقة منك بس مشاعري ناحيتك كانت حقيقة خفت من فكرة إني اواجهك و اسمع الكلام دا منك مكنتش عارف ممكن أعمل إيه. "

صمت قليلاً وأخرج زفيراً بإرهاق ليتابع بنبرة حزينة..

"ولما جت فرصة وعرفت الحقيقة لاقتني بطلب من والدي أكمل دراستي برا عشان أبعد وتنسيني ومفضلش قدامك و لأني كرهت نفسي بعدها، صحيح سافرت وبعدت بس إنتِ مسبتنيش فضلتي معايا في كل لحظه أنا كنت بعذب نفسي وأنا مش واخد بالي كتير كنت بلاقيني عايز اجيلك واتأسفلك وأترجاكِ تسامحيني بس مقدرتش مقدرتش احط عيني في عينك، معرفش هتصدقيني ولا لأ بس أنا محبتش غيرك ومش هينفع أحب غيرك يا هاجر."

كانت نبرته كافية لنقل ألمه لها حيث كانت تستمع له بإنصات وهي تتماسك بألا تبكِ أمامه ليعاود تكملت حديثه بصدق مبتسمًا بحب لم يتردد في إخفائه

" ممكن مش هتقدري تسامحيني بسهولة وزعلانه مني، بس رغم دا أنا واثق إن لسه ليا مكانة في قلبك مش عايز حاجة غير بس إنك توافقي هعتبرها فرصة ليا ودليل إنك عايزة تسامحيني أوعدك هعوضك عن كل لحظه زعل كانت بسببي وهعمل كل حاجه ترضيكِ لأن خاطرك عندي غالي وأنا شاري بروحي يا هاجر. "

back.

" أتمنى تبقى قد وعدك ياعمرو ومتجرحش تاني بسببك."

أردفت هاجر محدثة ذاتها وهي تعود من شرودها قبل أن تغوص في بحر أحلامها والتي كان هو دائماً بطل تلك الأحلام .
_________________________________________