كانت تقف أمام المرأة تعدل من حجابها وهي تبتسم بخفه كلما جاء ببالها أنها ستذهب معه للتو لشراء الذهب.. استمعت لطرق باب غرفتها لتسمح للطارق بالدخول..
جاسم وهو يطلق صفير : اش اش اش الواحد عنده اخت قمر يجدعااااان..
دُرة: حلو بجد؟
جاسم: حلو إيه دا يخبل دا الولا زين اللي معروف بجبروته هيقلب بطة بلدي قدام حلاوتك دي..
خجلت دُرة وتوردت وجينتها بخجل ليطلق جاسم ضحكه جميلة قبل ان يتحدث بمشاكسة : بقينا بنتكسففف اهوو والله زين مخدوع فيكي عمال يقولي اختك خجولة وبتاع وميعرفش ان جواكي إبراهيم الأبيض اساساً اختي بقا..
دُرة بغيظ: على فكرة أنا بتكسف عادي مش بنت ولا إيه الله!! وبعدين إيه مخدوع دا ما هو مينفعش اتعامل معاه غير لما يبقي جوزي لوقتها بقا من بعيد لبعيد كدا..
جاسم: تربيتي يجماعه تربيتي.. علميه الأدب برضو هيبقى جِميل هشلهولك طول العمر..
دُرة وهي تقترب من جاسم وتتحدث بصوت منخفض: هو قليل الأدب ؟
كتم جاسم ضحكه كادت تفلت منه ليتحدث مرة أخرى: مش بالظبط كدا بس الناس اللي بتبان هادية كدا بتبقى خبيثه فخدي بالك بقى.
دُرة وهي لا تزال تتحدث بنبرته تلك: يعني إيه المفروض أنه صحبك يعني تعرفه كويس!!
جاسم وهو يسايرها في الحديث: ايوه عشان كدا بقولك خدي بالك منه لأنه غامض كدا بس تعرفي؟
دُرة بإنتباه : إيه؟
جاسم: حنين الواد دا.. كان يبقي بياكل حاجه واقوله هات حته كان يديهالي كلها مش عشان بصتله فيها لا عشان حنين..
ضحكت دُرة لتتحدث من بين ضحكاتها: طفس حتى مع صحابك مش معايا بسسس..
جاسم وهو يضربها على راسها بخفه: يلا يابت قدامي خلينا نجيب الدهب عشان تلبسيه واخلص منك ومنه..
دُرة: على فكرة هلبس الدهب بس النهاردة وهفضل معاكم في البيت هتخلص مني ازاي بقاا؟
جاسم: لا ما هتقعدي يومين وهتكتبوا الكتاب أنتي نسيتي ياعروسه؟
دُرة بتوتر: هو ليه عايزين تجوزوني بسرعه كدا أنا خايفه ،انتو زهقتوا مني؟
كاد جاسم يجيبها ولكن قاطعه والدهم محمد الذي توجه لها وتحدث وهو يمسك يدها..
الأب : دُرة حبيبتي أنتي بتثقي فيا صح؟
دُرة بدون تردد: أكتر من نفسي يابابا.
الأب ببسمه: طالما واثقه فيا متقلقيش صدقيني أنا مش هخليكي تتجوزي كدا ولا بالطريقة دي ل أي حد أنا مطمن عليكي مع زين.. بس لازم تعرفي الحقيقه..
ارتبك جاسم من حديث والده هل سيعترف ل أبنته سبب زواج زين منها أم ماذا..!!
دُرة بخوف: حقيقه إيه!
أنت تقرأ
دُرة الزين ( يتم تعديلها كتابياً )
Romansaحاضر مش هسألك عن حاجه بس بشرط. ="شرط إيه؟ " _ "تشرب معايا شاي! " = "إممم إستغلال واضح ، بس بشرط برضو." _ "إيه هو؟ " =" يبقى شاي بنعناع، بيقولك لا خير في شاي بلا نعناع."
