دُرة الزين ( يتم تعديلها كتابياً )

الجزء الثاني, الفصل 23

إنك أهم من أن تفرض نفسك على الأخرين،وأكبر أن تعيش تحت مزاجيتهم.

_دوستويفسكي.

♡♡♡
(ندعوكَ يا رَبّ ألَّا يُترَك أحَدُنا لِوحشَة نفسِهِ أبدًا ✨♥)

♡♡♡

وحشتوني على فكرة😠♥.

__________________________

الحركة تدُب هنا وهناك بمنزل (عمرو) بشكل خاص فاليوم الذي سيتم فيه خِطبة إبنته الحبيبة على ذلك الحسن العاشق لها وكذلك تم تحديد خِطبة ملك وأدهم معهم كما أخبر أدهم ملك من قبل لعلمه بأن ذلك سيسعد قلبها وهو أيضاً، فاليوم سيكون خِطبته على تلك التى سلبت قلبه بكل إحترافية دون أن تتعمد فعل شئ حتى وتضاعف سعادته لخِطبة صديقه حسن معه بذات اليوم.

دلفت لغرفة إبنتها التى كانت لا تزال نائمة وكأن اليوم يوماً عادياً وليس خطبتها، مصت هاجر شفتيها بحنق شديد وهي تقترب منها لتسحب قدم إبنتها بشكل مفاجئ صارخة بها

هاجر /

" قومي ياسنيورة إنتِ نايمة ولا على بالك ولا كأن وراكِ تجهيزات وهَم ما يتلم قومي ياللي هتعجزيني بدري بدري. "

تأوت (عليا) بألم بعد سقوط جسدها مرتطماً بالأرض، تمتمت متألمة بغيظ

عليا /

" إيه بس يا ماما حد يصحي حد كدة هو أنا بهيمة جسمي اتفشفش (كُسر أو آلمها) ياشيخة. "

ربعت هاجر يدها أمام صدرها متحدثة بسُخرية

هاجر /

" ماهو البعيدة مبتحسش، يابنتي قومي النهاردة خطوبتك وزمان البنات جايين عشان تروحي للميك أرتست و..... "

توقفت على وقوف (عليا) فجأةً وهي تصرخ برعب

عليا/

" خطوبتي.. خطوبتي يا نهار أبيض أنا ازاي نسيت !! "

هاجر بحسرة/

" دا هناء (والدتها) ليها الجنة على اللي كنت بعمله فيها وأهو بيطلع من عيني منكِ، نسيتي إن النهاردة خطوبتك !! إيشحال مكنتيش مصدعاني امبارح بالفستان بتاع خطوبتك والميك اللي مجهزاه وعمالة تاخد برأي الكل دا حتى الواد حسن يا حبة عيني مسلمش منك. "

زمت شفتيها بتذمر متحدثة ببراءة

عليا/

" لو مش تعبتكم هتعب مين؟ وبعدين أنا نسيت أو الصراحة لا دا عشان نمت متأخر محستش بنفسي. "