دُرة الزين ( يتم تعديلها كتابياً )

الفصل 25

{ وأذكر ربك اذا نسيت }🤍:
- سبحان الله .
- الحمدلله .
- الله أكبر .
- أستغفرالله .
- لا اله الا الله .
- سبحان الله العظيم .
- سبحان الله وبحمده .
-  لاحول ولا قوة إلا بالله  .

إِنَّمَا الإِنسَانُ أَثَر فَأَحسِنُوا مَآثِركُم 🤎 .

☆★☆★☆★☆★☆★☆★☆

هناء بمحبة /  تعالي يبنتي تعالي إدخلي...

دلفت ناريمان خلف هناء للشقة بخجل ومع بعض التوتر، فبعدما جاءت مع طارق أخذتها هناء منه بطلب من الجد راشد لترتاح.

هناء بحب / مش عايزاكي تنكسفي يابنتي أنتِ من النهاردة زي بنتي هاجر، وكمان قريب هتتجوزي إبني البكر طارق يعني بقيتي واحده مننا، اعتبريني في مقام والدتك بالظبط.

نظرت لها ناريمان بدموع محبوسة وهي تردف بنبرة يتخللها الحزن..

ناريمان / حضرتك حنينه أوي وكلكم طيبين وحلوين أوي  ، ماما سابتني وأنا صغيرة وانحرمت من حنيتها بدري بس.. بس حضرتك فكرتيني بيها وبحنيتها

تقدمت منها هناء لتجذبها إليها بحنان أم وتحتضنها وهي تردف بحب

هناء / بس بس مش عايزة اشوف الدموع اللي في عيونك دي، كلنا هنا عيلة واحده وأنتِ بقيتي مننا خلاص، وأنا  زي ما قولتلك أنتِ بقيتي في مقام بنتي يعني تقوليلي يا ماما من النهاردة  رغم إني صغيرة ، دا بيشوفوا الولاد بيفتكروهم اخواتي مش عيالي

ضحكت ناريمان وهي تبادلها العناق بمحبة، لتتابع هناء

هناء / يلا تعالي هوديكِ أوضة هاجر غيري لبسك وارتاحي شوية، وهاجر لما تيجي هتتعرفي عليها هتحبوا بعض أوي  أوي أنا  واثقة

" إبتسمت ناريمان وهي تزيل تلك الدمعه التى فرت من عيناها لتتحدث.. "

ناريمان بحب / أكيد هي جميلة زي مامتها كدا

هناء بـِ مُزاح  / حبيبتي دا أنتِ اللي قمر بس طويلة عني كدا ليه؟  مش مهم اهو تطولي طارق، أصل شباب العيلة كلهم فرعين بطولهم ما شاء الله كدا..

ضحكت ناريمان على حنية ولطافة هذه السيدة لتتحرك معها لغرفة هاجر..

•• في الأسفل ••

كان طارق يجلس مع الجد راشد في الصالون ومعهم زين.

زين / زي ما قولنا لحضرتك يا جدي، البنت كويسة ومحترمة وعاشت سنين صعبة بسبب مرات أبوها ،  ولولا ستر ربنا كانت هتضيع بسببها.