دُرة الزين ( يتم تعديلها كتابياً )

الجزء الثاني, الفصل 12

ما زاحمت الحوقلة همًا إلا أزاحته..

💙 لا حول ولا قوة إلا بالله العلي العظيم 💙.

♡♡♡.

إذا اَحبَبْتَّ أَحَداً فأخبِرهُ لَيعْلَم ، وكَرِرهآ لِيَطمَّئِنْ.

- وصِيَّة النَبي محمّد ﷺ "

♡♡♡.

________________________________________.

كان جميع أفراد العائلة يجتمعون بداخل منزل زين، الرجال بمكان والنساء بمكان آخر، بينما الشباب بالخارج 

عند النساء، كانت دُرة تجلس وبجوارها سمية والدة فريدة و ناريمان وزينة وهاجر وأسما تجلس كلاً منهم بجانب الأخرى وكانت سُمية قد قصت عليهم كل ما حدث معها..

مالت دُرة على سُمية بينما تربت على كتفها متحدثة برفق

دُرة /

" متخافيش يا سُمية كله هيبقى كويس، ليه مش حكتيلي من الأول كل دا كنت هساعدك وزين مكانش قصر، إنتِ استحملتي فوق طاقتك. "

أخذت نَفسها لتخرجه بتعب متحدثة بنبرة منكسرة قليلاً

سُمية /

" مكانش ينفع كنت بخاف منه يإذي بنتي وخوفت تضيع مني زي أخوها."

هاجر بتأثر /

" متقوليش كدة، مافيش حاجة بعيدة عن ربنا وجايز تتجمعوا تاني سوا، تفائلي يا حبيبتي. "

زينة بتأييد /

" ايوة هاجر عندها حق، أنا هقول لـ جاسم وزين وأكيد هما هيدورا عليه بطريقتهم وإن شاء الله تلاقيه. "

سُمية بـ شُكر /

" مش عارفة أقولكم إيه ربنا يبارك فيكم. "

زينة بـ محبة /

" متقوليش حاجة إنتِ صاحبة دُرة و دُرة أختنا يعني بقيتي واحدة مننا، متشليش هم حاجة كُله هيبقي زي الفل إن شاء الله. "

هاجر بغيظ /

" بس تعرفوا كان نفسي انزل بـِ شبشبي على دماغ شبيه الرجال دا آه ياناري منه اللي مترباش دا. "

زينة /

" وأنا والله يا أوختشي بس اللي مزجني قلم زين رن في ودني كّيفني أخويا الحِمش. "

ضحكوا جميعهم بينما تحدثت أسما  موضحة لـ سُمية

أسما /

" دا العادي بينهم، أصل دول هنا بمثابة ريا وسكينة يعجبوكي في أي خناقة تعوزيهم عرفيهم بس. "

زينة بفخر/

" حبيبتي يا سمسم متقوليش كدة الواحد بيتحرج والله! "

ضحكوا جميعهم بينما تقدمت منهم ناريمان التى أتت من المطبخ حاملة معها بعض المشروبات"

ناريمان بـ لُطف لـ سُمية /