طلع نواف وراح للسياره وبدأ يتمشى طبعا نواف يعيش بمحافظه غير عن القريه بدأ نواف يتمشى وكان معصب ومتنرفز رن جوال نواف اتصال من صديقه رايد .
رايد : نواف ماشالله عليك ليه مابشرتي بزواج ابوك ؟
نواف بعصبيه : يخي مالك شغل وقفل الجوال بوجهه وبدأ يضرب البوري بدون اي سبب فجأة ادرك نواف ان حالته مو طبيعيه وقال : وش فيني انا كذا ؟ اصلا وش دخلني بشيخه لو تتزوج ابوي مالي شغل فيها !! وش فيني كذا ليش معصببب!! وراح نواف للأستراحه الي فيها العيال وجلس فيها عشان ينسى سالفه الزواج وسالفه شيخه .
______________________
تركي ولد خال شيخه الكبير وهو متوجه لبيت شيخه طق الباب شيخه من ورا الباب ..
شيخه : مين ؟
تركي : انا تركي افتحي الباب
شيخه : طيب ثواني
راحت شيخه تلبس عبياتها ونقابها وفتحت طرف الباب وقالت من ورا الباب : هلا تركي وش بغيت ؟
تركي : عادي ادخل لاني بقولك كلام ماينقال الا داخل البيت بس ثواني ماراح أطول.
شيخه فتحت الباب وقالت : تفضل المجلس .
دخل تركي المجلس وكان مستحي من شيخه ومنزل راسه من الحيا جلس تركي وقال : شيخه سمعت انك بتتزوجين انتي راضيه ؟
نزلت شيخه عيونها بالارض وكانت الدموع بتطلع وقالت : والله مدري وش اقولك الناس كلها ضدي اكيد ماني موافقه !
ناظر فيها تركي وقال : شيخه اسمعي بتزوجك وراح اخلص دينك ! بسدد عنك الدين وكل شي بس انتي موافقه ؟
ناظرت شيخه بتركي بستغراب وقالت من الصدمه.
يتبع !!
أنت تقرأ
ذبحتني بدموعها ياسعود .
Storie d'amoreمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
