راح نواف لشرطه بأسرع ماعنده ووصلهم وعلى طول استقبله رئيس القسم وجلسو وقال له
رئيس القسم : في اليوم الي اختطفت فيه شيخه مسحنا كل الآثار وشفنا ولاعه طايحه في البيت ومسحنا البصمات ورجعت البصمات لشخص من الجنسيه الهنديه اسمه راجو يشتغل سواق عند عيال عمك تعرفه ولا لا ؟
انصدم نواف وكأن مويا حارة انكبت عليه : راجو ! متأكد انت وليش يسوي زي كذا ؟! حنا علاقتنا مرة كويسه ولا لهم دخل اصلا فينا
رئيس القسم : بقولك الزبده قبل ثلاث ساعات رفعنا بلاغات على جميع المطار على الشخص الي اسمه راجو ولحسن حضنا مسكناه عند محطة القطار وكان بيسافر للهند والان هو عندنا .
نواف : ممكن اشوفه ! ضروري بعرف السالفه وليش سوا كذا !!
رئيس القسم : ١٠ دقايق ولا تطول
نواف : طيب ...
راح نواف للغرفة وجالس على الكرسي راجو وباين على راجو التوتر والخوف والعرق الي على جبينه
وبدون مايحس نواف مسك راجو من عند ملابسه وبدأ يضربه ويساله : وين شيخه !! ومن قالك تسوي كذا !!! واذا ماقلت لي ذبحتك على يدي هنا ولا فيه احد بيفكك !!
انهار راجو وجلس يبكي بكل حرقه وقاله كل شي صار له من نوره لين ما خطف شيخه
حس نواف بالدوخه وكانه بيطيح وش بيسوي الحين ! اذا بلغ على بنت عمه صارت مشكله كبيره بين عايلة ابوه والسمعه بتخرب بينهم
وقال نواف لراجو : لا تعلم احد باللي قلته عليك ولا اذبحك !
طلع نواف من السجن وهو مقهور ومغبون وبنفس الوقت عرف وين نزل شيخه وبسرعه ركب السياره وراح للبر يدور عليها بس وين راح يلقاها ميته او حيه ؟ بدأ يستكشف المكان الكبير الهادي وكان خايف ومرعوب يبي يلقا شيخه وبالصدفه شاف تركي وقرب من عند سيارته نزل تركي ونزل نواف من عنده تركي ماتحمل يشوف نواف وبدأ يضربه
ويقول : انت السبب تدري وينهي شيخه !!
حاول نواف يفك نفسه بالقوه وقال : قسم بالله مادري وينهي جالس ادور عليها!! وبدل ماتحط اللوم علي تعال ندور عليها قبل تموت !
تركي ووجه احمر وقال بتنرفز : اذا لقيتها علمني بس قسم بالله تلمس شعر منها والله اني ما أرحمك!
ركبو كلهم سيارتهم وبدأت رحلة البحث عن شيخه
_________________________
بين الموت والحياء والياس هنا كانت مشاعر شيخه بس الشيء الوحيد الي تفكر فيه هو مشعل وش صار عليه ؟ جلست شيخه من التعب تحت ظل شجرة وجلست تبكي من شدة الالم الي عاشته بعمر صغير كل شي صار ضدها وتحط كل اللوم على نفسها وتمنت انها سافرت مع أهلها ذيك الليله ولا عاشت التجربه ذي المرعبه حتى عدوك ماتتمنى يعيش زيها جا اليل وقامت وهنا كانت الصدمه!! اغمى عليها اغمى على شيخة خافت من الموت وخافت انها تترك مشعل طاحت شيخه وغمضت عينها واخر شي كان تفكر فيه مشعل وبنفس الوقت تسمع أصوات أهلها هلوسات وأشياء غريبه ...
_______________________
ام تركي راحت تزور مشعل بس حالته للاسف مو مستقرة وكلام الدكتور ماكان ابدا يطمنها كان الأكسجين معه مو مستقر ولازم يسوون له عمليه بأسرع وقت بس التكلفه غاليه
أنت تقرأ
ذبحتني بدموعها ياسعود .
عاطفيةمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
