قاطع كلامهم تركي بعصبيه وقال : شيخه تجلس ببيتها مرتاحه وتهتم باخوها وش دخلك فيها الحين!؟
التفت فيه ابو سعود وقال : هالحين هاذا جزاي يوم باخذ شيخه لبيتي اكرمها وادللها ؟!
شيخه شافت الهواش كله يصير بسببها وقالت : خلاص ياعم ابشر من الليله راح اجيك
ناظر تركي بشيخه بعصبيه وطلع من الغرفه وجلسو يسولفون ويتكلمون ولاحظت شيخه على عمها انه صار يسأل عن حاله ويهتم لها استانست ان عمها حن لها...وبعد ثواني راحت تشوف تركي وين راح طلعت من السيب ويالصدفه شافت نواف!
ناظر فيها نواف وعرفها وقال لها : شيخه؟ انتي شيخه صح ؟
نزلت شيخه راسها وقالت : اي ليه وش تبي ؟
نواف ابتسم وقال لها : انا جاي أزور مشعل ابي اشوفه اتطمن عليه
شيخه : طيب بس ترا عمي عنده
نواف تغيرت ملامح وجهه وقال لها وهو معصب : ليه جايكم ليكون ناوي على شي ؟ علميني اذا بيضرك او بيسوي شي !
شيخه : لا لا بس هو يزور مشعل ولا ضرني او غيرها
نواف : خلاص بالله اذا طلع عمك دقي علي علميني بس بشوفه اتطمن عليه
شيخه : طيب
نواف : وين رايحه ؟
شيخه : وين بروح يعني بجلس عند مشعل !
نواف : اي صح معليش
وراحت شيخه بسرعه للحمام ونزلت نقابها حست بحراره ووجها قلب احمر وقالت بينها وبين نفسها : وش جابه نواف الحين ! وش يبي بعد وثاني شي انا وش فيني كذا وجههي احمر ؟ ليكون مصخنه او تعبانه مع انه ابدا ماجا موسم الصخنه ؟ ماعليه ماعليه بروح اشوف مشعل ..طلعت من الحمام وكان تركي منتظر عند باب الحمام ينتظرها
تركي بهمس : شيخه ،، شيخه
لاحظت شيخه تركي وقالت له : هلا تركي وينك كنت ادورك
تركي : وش يبي نواف فيك ؟ شفتك يوم تكلمينه!
شيخه : لا بس جاي يزور مشعل
تركي : ثاني مره لا اشوفك تكلمنيه! واذا جاك علميني
استغربت شيخه وقالت له : ليه ؟ انا ماسويت اي شي غلط بس يبي يشوف مشعل يتطمن عليه وانت ياتركي شفيك كذا معصب ؟
تركي نزل راسه بالأرض وقال لها : لا ياشيخه لا تفهميني غلط بس نواف ذا ابدا ماني مرتاح منه احس وراه مصيبه !
شيخه : تركي شفيك لا تظلم الرجال ! خلاص لا تتكلم عنه ثاني مره بروح لمشعل الحين!
وراحت لمشعل وهي براسها الف سوال دخلت الغرفه ولاحظت عليهم الصمت جلست شيخه عند الكنب
ابو سعود قام وقال : يلا انا استأذنكم..شيخه بعد المغرب بيجي السواق ياخذ اغراضك طيب ؟
نزلت شيخه راسها وقالت : ابشر ياعم
وطلع عمها من الغرفه اخذت شيخه جوالها وأرسلت لنواف ان عمها طلع وبعد ثواني جا نواف فرح مشعل وقال
مشعل : نواف !!
قرب منه نواف وقال له : الله الله بالبطل مشعل كيف حالك؟
مشعل وهو مستانس : والله الحمدالله انت كيفك !؟
نواف : انا بخير
جلسو مشعل ونواف يسولفون وشيخه تناظر لمشعل انه مره مستانس مع نواف يسولف معه ولاحظت من تركي نظرات غضب لنواف ..
_______________
في بيت ابو صالح
نوره جالسه على التسريحه وتمشط شعرها رن جوالها وكانت رزان فتحت نوره الخط ونزلته على التسريحه وكان على السبيكر
رزان : كيفك ؟
نوره : والله الحمدالله بخير...مو من عادتك تتصلين علي الحين وش عندك ؟
رزان : بقولك اليوم جا رجال يزور مشعل اخو شيخه
نوره بدون اي اهتمام : اي طيب وانا وش دخلني ؟
رزان : تدرين منهو ولا مو مهتمه ؟
نوره : لا ماني مهتمه يلا انا مشغوله أدق عليك شوي
رزان : نواف الي زار مشعل !
سكتت نوره
رزان : الو،، نوره ؟
نوره : ههه متأكده انتي ؟ يمكن واحد يشبهه اكيد مو هو !
رزان : لا انا متأكد انه نواف ! وشفته بالسيب المستشفى يكلم شيخه
نوره بصدمه : طيب مع السلامه!
رزان : شفيك.؟
نوره بعصبيه : مافيني شي ! وطفت الجوال
رمت نفسها على السرير تبكي منصدمه وتجلس تبي وتردد بينها وبين نفسها : كيف كذا! لازم اسوي شي لازم اسوي خطه !
وجمعت نوره نفسها وبعد حلول العصر راحت المحل تشتري حلويات وراحت للمستشفى بتزور مشعل ببالها خطه بتسويها...
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
