في اليوم الثاني حولو شيخه من غرفة العناية إلى التنويم لان حالتها تحسنت شوي فتحت عينها شيخه وجلست تتأمل المكان وهي مستغربه وينهي فيه وكيف وصلت هنا بينما كان آخر شي تتذكره هو طيحتها وفجأة مسكت راسها
وجلست تردد : مشعل !! مشعل وينه !؟ اخوي وينه شصار عليه !
سمعتها الدكتوره وجتها تحاول انها تهديها بس هي ملزمه الا وتشوف مشعل حاولت انها تهديها وقالت لها
الدكتوره : عطيني رقم امك وابوك عشان اتواصل معهم يتطمنون انك بخير
ناظرت فيها شيخه والدموع على خدها ماقدرت تتكلم وانفجرت عند الدكتوره وفهمتها بسرعه وتمنت انها ماقالت
وقالت شيخه : عندي رقم عمي محمد ( ابو سعود )
الدكتوره : تمام ببحث عن الرقم واشوف لك ،،،
طلعت الدكتوره من الغرفه وانسدحت شيخه وعينها على النافذة تتاملها وتبكي وهي تسأل نفسها :( انا وش سويت عشان يصير فيني كذا ؟)
وبعد ثواني جتها ام تركي تسلم عليها
ام تركي : لا ماشاء الله عليك طالعة على امك قويه بنتي الشاطره الحمدلله الي نجاك من الموت وشفتك سالمه
وبدأت تضمها وهي تبكي ..وطلعت من الكيس الي معها عبايه لها وقالت : تركي يبي يشوفك البسي
لبست شيخه العبايه وخلصت وقالت : وين مشعل ؟ عندكم مشعل ؟ وليش ما جاء
انربط لسان ام تركي وقالت لها : مشعل بخير ماعليه بالمدرسه هو الحين .
دخل تركي وبيده اكل وكان خايف ومتوتر
وبدأ يسالها اكثر من مره : انتي بخير ؟ تحسين بشي يوجعك ؟ مشتهيه شي اجيبه ؟
شيخه وهي تحاول ترد على اسالته الكثير بكلمه : مدام ان مشعل بخير انا بخير وما تقصر مابي شي الحين .
نزل تركي راسه بالأرض وقال : الحمدلله...جبت لك اكلك الي تحبينه كوليه عشان ترجعين البيت بسرعه
شيخه : وش دراك عن اكلي المفضل ؟
تركي ابتسم وقال : يوم كنا صغار كني تحبينه وانا كنت اجمع فلوسي لك واجيبه ماتتذكرين ؟
شيخه ابتسمت وقالت : الا واتذكر يوم سرقنا الفلوس من عمي محمد وكيف عصب .
ضحك تركي واخذت شيخه الكيس وجلست تاكل وبدأ كل شخص يسولف عشان ينسي شيخه الموضوع وهو اصلا الموضوع ماراح ينسيها ...وبعد حوالي ساعه جا ابو سعود وأم سعود
ابو سعود وهو مكشر : السلام عليكم
وكلهم ردو السلام
ابو سعود : الحمدلله تعافيتي وعقبال مشعل يارب .
هنا شيخه قالت ستوب ناظرت في ابو سعود وقالت : مشعل ! شفيه مشعل !!
ابو سعود : ماعلموك؟ مشعل الحين في غيبوبه ضربه الحرامي على رأسه وطاح ولقاه نواف وجابه.
ماتحملت شيخه الكلام واغمى عليها وارتفع ضغطها
تركي : بالله ذا اسلوب مامدام تدخل الا وتقولها قدام شيخه الي ما قامت غير الحين !
ابو سعود : الحين تلومني اني قلت الصدق قدام شيخه وانتم اساسً مخبين الموضوع عنها اصلا هي بتدري الحين او بكرا!
ناظر فيه تركي بحقد وراحت ام تركي تجيب الدكتوره
ام تركي سحبت ام سعود عن الباب وعصبت ام سعود وقالت
ام سعود : خير تراني موجوده هنا !
ام تركي : خلاص اسفه بس خلينا نلحق على البنت !
جت الممرضه ومعها الدكتوره والدكتور وطلعوهم كلهم
النظرات الي بين تركي وابو سعود كفيله بانها تتكلم وبنفس الوقت ام تركي تحاول تلطف الجو بالدعاء لشيخه وانها بخير مافيها شي ومن الأمور ذي ...انتظرو لين الدكتور طلع وطمنهم ان شيخه بخير بس حذرهم انها ماتعرض لصدمه ثانيه بنفس ذا الموقف وقال لهم الدكتور بعد خلوها ترتاح اقل شي ساعتين عبال ما تجمع نفسها وتكون عند الأمر الواقع وذي أقدار الله...
رجعو كلهم البيت وقامت شيخه من فراشها وهي تبكي تبي تشوف مشعل الي كان بينقذها وتأذا بسببها فتحت باب الغرفه والدموع على خدها وشعرها وحالتها فتحت الباب وشافت قدامها نواف !
( اذا فيه تفاعل قوي نزلتها الليله الجزء 13 &14) ❤️
أنت تقرأ
ذبحتني بدموعها ياسعود .
عاطفيةمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
