[قبلها بيوم الاربعاء الساعه ١٠ ]
اخذت نورة معها جركل بنزين وولاعه وراحت متخفيه بكل حقد وانتقام على الي سوته شيخه بنوره ناظرت في البيت والحوش وكانت ودها تسوي شي اعضم من كذا! وبسرعه لمحت حديقة الورود وش كانت جميله ومتفتحه راحت رشته بالبنزين ولعل البنزين جا على البيت واسلاك الكهرب ناظرت نورة نظرة اخيره على المكان ورمة الولاعه شافت النيران انتشرت بسرعه حتى وصلت داخل البيت خافت نورة ولا كانت نيتها تحرق البيت !!! بدل ماتنقذ شيخه او تتصل على الدفاع المدني راحت تهرب ولا كأنها سوت شي !!! حتى ضميرها ماأنبها !
________________________________
(الخميس ) في بيت ابو سعود
ابو سعود جالس بالمجلس ويناظر ترف
ابو سعود: ترف جهزي غرفة شيخه راح تعيش معنا !
ترف : وليش ؟ مابيها معنا من يوم ما دخلت البيت واحنا بمشاكل!!!! يبه تكفى سو اي مابيها انا !!!
ابو سعود بعصبيه: وين اوديها يعني!!؟
ترف : وحنا وش دخلنا فيها! مو لازم تعيش معنا!
ناظر فيها ابوها وقال بجديه : والله ان ماجهزتي غرفه لها اني لا احرمك الصروف شهر!!
ترف : بسس!!!!
ابو سعود: لا بس ولا غيره قومي !!
وقامت ترف بكل مضض وراحت تجهز غرفه لشيخه
راح سعود يجيب شيخه من المستشفى ويوم دخلت البيت حست بشعور انها غير مرحب بها في المكان جاها اخوها مشعل بكل فرح واستانس يوم شافها راحت شيخه ترتاح بغرفتها وجالسه تستوعب كيف صار الحريق ! وناظرت المكان واكتشفت ان ماعندها ولا ملابس راحت شيخه عند عمها
شيخه : عمي بروح للبيت بشوف الملابس واغراضي يمكن القا لي قطع ماحترقت
ابو سعود: طيب الحين عشان العصر وراي شغل
وراحت شيخه تلبس عباتها وركبت السيارة وبدأ عمها يتذمر منها ويلومها على البيت
ابو سعود: انا ماني قادر استوعب كيف صار الحريق !
شيخه : حتى انا رحت لغرفتي برقد وفجأة شب البيت نار ! حتى الفرن متأكده اني طفيته بس اكيد التماس كهرب
ابو سعود: والله مدري يمكن
وصلت شيخه للبيت وشافت الجدران والارضيه سودا من الحريق وكل شي ذايب ومحترق ! دخلت تتأمل البيت الكنب المكيف المطبخ صار مثل الرماد ! ودخلت للغرفه وكانت هنا الصدمه ماشافت ولا شي من الملابس محترقات كلهم وانقهرت أكثر يوم شافت صورة ابوها محترقه !!
ابو سعود بستعجال : بسرعه يا شيخه لقيتي ملابس ؟؟
شيخه : لاوالله مالقيت شي !
أنت تقرأ
ذبحتني بدموعها ياسعود .
Romansaمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
