العد التنازلي بدأ لحياة شيخه غمضت عينها شيخه بكل يأس وفقدان للأمل وبينما تركي يحاول انه يدور عليها قبل حلول الظلام ويتوه بالصحراء بدت الشمس تغيب ودعاء تركي انه يلقاها قبل المغرب وفعلا بدأ يدور عليها لين ابتعد عن المكان وشاف شي تحت الشجرة نزل بسرعه من السيارة وشافها اخيرا ! حالتها متبهذله وجهها وشعرها مغطيهم التراب وملابسها متقطعه غطاها تركي بالشماخ وشال تركي شيخه وعلى طول للمستشفى مسك تركي يد شيخه وحاول انه يصحيها بس مافيه فايدة !! كانت تتنفس بسرعه وتردد كلمة مشعل خاف تركي وحاول انه يوصل المستشفى بس الصدمه ان سيارته طفت بنزين !!
تركي ضرب بوري السياره : تكفيين مو وقتك !! ياليل صدقق البنت بتروح مني شيخه بتروح !!
طلع جواله واتصل على نواف وبسرعه جاه نواف وراحو للسياره تركي كان معصب ماكان يبي مساعدته ولا كان ناوي يعلمه انه لقى شيخه
نواف : صحيتها ؟ كيف لقيتها ؟
تركي : مدري ماتقوم! معلينا خلنا نوصل المستشفى قبل ماتروح او يصير شي مو زين
وبعد ساعه وصلو المستشفى دخلت شيخه العناية لان حالتها حرجه مرة جاهم ابو سعود وأبو تركي وعايلة شيخه .
ابو سعود راح لنواف بسرعه : الله يبشرك بالخير ماقصرت والله انك رجال شهم وكفو طالع على ابوك !
ناظر فيه تركي بكل حقد وقال بهمس : لو راحت شيخه كان راحت فلوسك !
ناظر فيه ابو سعود وقال : وش تقول انت؟
تركي : لا المفروض تسأل عن بنت اخوك كيفها وكيف لقيناها ومن الي لقاها ! وثاني شي انا الي لقيتها مو نواف
ابو سعود سكت وبعد ثواني طلعت الممرضه ومعها الدكتور وراح تركي وقالهم : كيف حالتها ؟
الدكتور : لو لقيتوها بكرا كان ميته بس لحسن حضكم انكم اسرعتو ولقيتوها والحين هي بخير بس خلوها ترتاح يوم عبال مايتعوض جسمها من السوائل الي فقدتها
تركي : تمام...طيب ومشعل كيفه ؟
نزل الدكتور راسه وقال : حاليا مقدر اقولك شي بعد العمليه يتحدد وش بيصير فيه
تركي : طيب سوو العمليه وعمه بيكون المسؤول
الدكتور : اول شي ادفعوا رسوم العمليه وراح نسويها
تركي : بكم ؟
الدكتور : ٣٠ الف
ابو سعود : لا انا مقدر معليش خلوه عندكم لان اخته بتتزوج ولا فيه احد راح يعتني بواحد مريض
التفت عليه تركي وكان بيضربه بس مسكه نواف وبدأت مهواشه بس تركي وابو سعود ولا فرقهم الا الشرطي الي بالمستشفى ابو سعود قلبه قاسي ولا يهتم إلا بالفلوس طلعو كلهم من المستشفى ...دخل نواف البيت وكان ضايق ومهوم لدرجه مايبي احد يكلمه .
دخل الغرفه وسكر على نفسه الباب وطاح بالفراش وبعد ثواني جاه ابوه
ابو نواف : شصار على شيخه ؟
نواف بكل حقد : ماصار فيها شي دخلت العنايه وبعد يوم تطلع
ابو نواف: الحمدلله خطيبتي ماصار فيها شي !
قام نواف من فراشه وقال بكل غضب : افسخ خطوبتك من شيخه !
رفع حواجبه ابو نواف وقال : وليش ؟ ماراح افسخ خطوبتي واذا كثر هرجك راح اتبرى منك !
لف ظهره ابو نواف بيطلع بس تكلم نواف وقال : الي خطف شيخه راجو واعترف انه كله من رأس نوره لو أبلغ سجنو بنت اخوك الغاليه نوره وتصير مشاكل بينك وبينهم
التفت ابو نواف وقال : وش قاعد تقول انت ! تبيني اصدقك يعني ؟
نواف : اذا مو مصدق رح اسأل راجو بسجن هو الحين .
عصب ابو نواف وقرب من عند نواف وصفعه على وجهه من قوة الضربة طاح بالأرض : وصلت فيك انك تهددني وتكذب على عشان من ؟ عشان وحده ماعندها اهل وابوها كان مديون افتح عينك يانواف وتزوج وحده من طبقتك لا تختلط بالناس الي مو مثلنا ! وثاني شي ممنوع انك تطلع من البيت واذا طلعت فانا بتبرا منك !
طلع ابو نواف من الغرفه وهو مغبون وبالصدفه سمع سلطان الكلام الي بينهم
دخل سلطان الغرفه ناظر بنواف وطلع
نواف جالس بالأرض يبكي مقهور وش بيسوي يبلغ على بنت عمه او يمنع ابوه من الزواج يبي ينقذ شيخه بس عاجز كل شي مقفل بوجهه ..
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
