في بيت شيخه كانت جالسه بفراشها وسمعت الباب يطق وكان مشعل وجاي مع ابو سعود
شيخه : تفضل عمي ادخل
ودخل المجلس وجابت له القهوه والشاهي وجلست عنده
ابو سعود: شيخه انتي عارفه انك بتجلسين العده اربع شهور بالبيت
شيخه : اي داريه.
ابو سعود: انا جاي اقولك اني ببيع البيت ديوني كثيره بالحيل وبسددها بها اذا بعت البيت
شيخه بعصبيه : بس انت عطيتني البيت واتفاقنا الي بيننا وين راح والوعد الي عطيتني اياه !!!!!
ابو سعود: هذاك يوم كان زوجك موجود بس الحين مات ! المهم بقولك وماني عايد الكلام أكثر من مره بعد خمس شهور شيلي عفشك وتعالي عندي اسكني عاد لين يجيك عريس !
شيخه : هذا همك البيت والفكه مني !!!! بدل ماتجي وتواسيني تقول لي اطلعي من البيت ابي منك يوم واحد انك تحسسني زي عمي !!! خلني اعيش باقي حياتي ببيتنا انا ومشعل زي قبل وأما اسكن عند جدتي انسى !!!
ابو سعود: طيب من الي بيسدد ديوني قولي لي !!!! وراي اهل امي وزوجتي وعيالي من يرعاهم اذا مسكتني الشرطه من كثر الديون من يصرف عليهم !!!؟ شيخه لا تصيرين انانيه لهدرجه !!!
شيخه: كم دينك !؟
ابو سعود ناظر بالأرض وقال : حوالي ٥٠٠ الف !
سكتت شيخه من الصدمه وقال عمها : شفتي ! يا انا يالبيت اختاري !
وقام ابو سعود وطلع من البيت جلس مشعل عند شيخه وناظر لها مشعل وقال : كيفك ياشيخه ؟
شيخه : بخير انت كيفك؟
مشعل : انا طيب بس شيخه رقبتك شفيها ؟
لمست رقبتي وكان بها خدش من ضرب تركي لي حزنت وترحمت عليه وقلت لمشعل: ولا شي خدش عادي
________________________________
في بيت ابو صالح ونوره بالغرفه تراسل رزان وتبي حل
رزان : اسمعي مافيه وقت لازم تملكون ولا نواف بيناظر لشيخه ويتزوجها !
نورة : يمه بسم الله الله لا يقولها لاتقولين كذا !!! بس وش اسوي عطيني حللل!!
رزان : مافيه حل الا اذا طاحت شيخه من عين نواف يا تتزوج بسرعه او تجلس
نورة : لقيتها !
رزان : وشو!! وش لقيتي
نورة : بس خطيرة شوي واظمن ان نواف بيتركها !!!
(وعلمتها نورة وش بتسوي )
رزان : لاا ياغبيه والله بتروحين بداهيه غلطه وحده رحتي فيها !!!
نورة : محد بيدري وهي ساكنها لحالها!!!
رزان : طيب متى بتنفذينها ؟
أنت تقرأ
ذبحتني بدموعها ياسعود .
عاطفيةمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
