صباح الزواج قامت شيخه من فراشها بكل ثقل وخوف صلت وتروشت وجتها ترف بكل ضيق
ترف : شيخه تعالي افطري اليوم ابوي يقول لاتخلون شيخه تسوي شي مدري وش شايفه نفسك علينا!!!
ناظرت لها باستغراب وقلت لها : انتي وش فيك علي ؟ وش سويت فيك عشان تكرهيني لذي الدرجه! وصح قبل امشي من البيت واختفي عنكم تراي اعرف انك انتي الي شوهتي سمعتي عند عمي وعند الناس كلهم ادري انك صورتيني انا ونواف وكذبتي عليهم !!
تغير وجهه ترف وانقلب اللوان وقالت : آآآ وش قاعده تقولين!!! تكذبين علي وتفترين!
رديت عليها وانا غاسله يدي منها وقلت لها: ترف انا مابي من الدنيا ذي شي غير مشعل اشوفه بصحه وعافيه وأما انتي الله يسامحك بس ولا ابي منك غير انك تكفيني شرك !
نزلت نظراتها بالأرض ولا قدرت تشوفني وقالت : خلاص خلاص امشي يلا!
لبست طرحتي ورحت للمطبخ اخذ فطورتي شفت مشعل بالمطبخ واول مادخلت طلع بسرعه احاول اناديه مافيه فايده سألت شهد مشعل وش فيه ؟
ردت علي شهد وقالت : مادري تدرين من يوم ماقام وهو ساكت وكأن فيه شي مزعله!
نزلت الصحن الي بيدي ورحت له وكان بالحوش جالس على الكراسي جلست عنده ومسكت يده وبسرعه سحبها خفت أكثر من ردت فعله الغير طبيعيه وقلت له
شيخه : مشعل ناظرني!
التفت لها مشعل وقال لها : ناظرت ليه وش تبين ؟
شيخه بصدمه : افا يامشعل وش ابي ؟ ابي اشوف ضحكتك وابتسامتك علامك ياروح اخته متضايقه من مزعلك؟
رد علي مشعل وكان صادم وقال لي : انتي !! شيخه ليس تجبرين نفسك وتتزوجين واحد ماتبينه بس عشان البيت !!! تراي صرت كبير ليش تشوفيني صغير؟!
طاحت دموعي على يدين مشعل ووقتها كنت شاده عليهم وماسكتها مسحت كف يدي على راسه وقلت له : ياحبيب قلبي ياخوي وش ابي من هالدنيا غير سعادتك وتركي وش فيه ؟ شخص يحبني ويقدر يسوي اي شي ابيه وراح اخذك معي بالبيت وانت يامشعل منو قال انك صغير ؟ بالعكس اشوفك مثل الأسد بعيني واكثر بعد !!
ابتسم مشعل وقال لي : صدق يعني مو مجبوره عليه ؟ حياتك بتصير سعيده طول ايامك؟
الكلام يكذب بسهوله بس نظرات العيون عمرها ماكانت كذب حركات عيوني توحي بالكذب وقلت له : اكيد بصير سعيده طول حياتي ! يلا قوم وافطر الليله زواج اختك لازم اشوفك مبسوط!
وبعد دقايق راح مشعل وشيخه وافطرو سوا .
__________________________________
[ الساعه ٣ العصر ] في بيت ابو نواف
ام نواف بغرفتها تطلع فستانها من الدولاب وتصوت لنواف
نواف جا على صوتها وقال لها : هلا يمه وش بغيتي ؟؟
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
