انجرح نواف من الكلام الي قاله بس كان حابس كل المشاعر وانفجر على شيخه الي مالها ذنب !!
نواف : انا ليش قلت لها كذا !
راحت شيخه مع عمها وقلبها مكسور بأن ليش عمها يقول لنواف انها بتزوج !
ناظرت شيخه بعمها وقالت : يلا متى تعطيني البيت ؟
ابو سعود : البيت خلاص لك ! بعد الملكه راح تسكنين فيه انتي وزوجك !
شيخه : ملكه بس ؟ ليه متى الزواج يعني ؟
ابو سعود: بعده بيومين !
شيخه : بس سريع مره لا !!!
ابو سعود: اسكتي بس لو على كيفي الملكه الظهر والزواج بليل ! خلاص وش تبين أكثر من كذا ! زوج وبيت احمدي ربك !
ظلت شيخه ساكته لين ماوصلت البيت وراحت لغرفتها استسلمت للأمر الواقع مافيه اي مخرج كل شي مسدود قدامها ! .
_______________________________
في بيت ابو صالح .
دخلت نورة البيت وراحت اخذت شور وبدلت ملابسه وجلست على الغدا مع أهلها ماكان رايد وصالح متقبلينها لان كل الجماعه يتكلمون فيها وفشلتهم .
ام صالح : كولي يانوره وجهك ذاب ! كولي وانا امك .
همس صالح وقال : ليتك ماطلعتي فشلتينا !
ناظرت فيه نورة وقالت : وش تقول انت!
صالح عصب وقال : ماقلت الا الصدق! فشلتينا قدام الجماعه !
نورة : لاوالله؟ الله اكبر عاد وش الجماعه الي بتنزل روسكم ماهمكم الا كلام الرجال ! انا الحمدلله شبعت مابي اكل !
وقامت نورة ولا كملت اكلها
ابو صالح : خير ان شاءالله سلامات وش فيك!! كذا تكلم اختك !!
صالح: وانا صادق يايبه ماتبي تروح للمجالس بس عشان ماتسمع كلام عن بنتك الي يسود الوجهه!
صفق ابو صالح ولده وقال : ولددد احترم نفسك !!! انت العود الكبير انا مربيك على قلة الاحترام تروح الايام والسنين ونورة تبقى اختك وأما السمعه والاحترام تتلاشى مع الوقت وتروح بس اختك تبقى اختك!! قم عني ولا اشوفك
وقام صالح ولا كمل غداه !
____________________________________
بعد أيام وصار بكرا الملكه جهزت ام سعود الحنا وبدت تحني شيخه وشيخه مكروهه ولا تتبي تتزوج قلبها مو له قلبها أخذه شخص ثاني ماحست لتركي مشاعر حب! بل مثل ولد خالته وبس !
ام شهد ناظرت عيون شيخه والحزن فيها : شيخه شفيك ؟
ناظرت شيخه في ام شيخه وعيونها تحكي كل المعاناة التفت يمين وبيدها الحنا وقالت : مافيني شي بس تأثرت !
تكلمت شهد وقالت : ليش وش شعورك ؟
ناظرت فيها شيخه وقالت والدمعه بخدها : عادي شعوري بس ليت امي تشوفني واسلم على ابوي راحو ولا شافوني !
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
