قال لي عمي ذي الكلمه ومشى وش معنى كلامه ذا ؟ وش قصده اني انسى البيت ! بديت ارتب الشنطه وانا اشك ان عمي ماجابني لبيت جدتي عبث اكيد فيه شي وياخوفي بعد بالي ببالي ! لا مستحيل مستحيل يسويها بس عمي انسان قذر وحقود ويسوي كل شي على شان الفلوس يهدم بيته عشان كم ريال ! شافني مشعل سرحانه وافكر وقال لي : شيخه. هيي شيخه وش فيك ليكون الغرفه مو حلوه ؟ شوفي حتى النافذة تطل على الحديقه وفراشك ناعم بعد !
يا برائة تفكيره ويا برائة نظراته لي ابتسمت له وقلت له : صادق والله !
جلست بغرفتي ارتب الأغراض لين ماقرب الوقت يدخل لصلاة العشا دخلت علي ترف وقالت لي : بسرعه تعالي ساعدينا ولا بعد ماتبين؟
تركت الملابس الي بيدي وقلت لها : يلا جيتكم ..
مشيت وراها لين المطبخ وبديت اساعدهم بالعشاء اقطع مع زوجات عمي واساعدهم بغسل المواعين كنا بالمطبخ نشتغل الا انا حسيت اني نكره بينهم من نظراتهم لي وهمسهم كنت اسمع كل كلمه بس اتجاهل
اخذت ترف تبي تقطع بصل وجتها امها تركض وتقول : ترف لا تقطعين البصل بعدين ريحتك تكون بصل عطيه شيخه هي تقطعه !
ترف بخباثه: صح يا يمه نسيتت !!
مدت لي ترف البصل وقالت لي قطعه وانا كنت اقطع السلطه بيدي وقلت لها : ماتشوفيني اشتغل ؟ ماني فاضيه قطيعه انتي او امك تقطعه
قربت من عندي ترف وقالت لي : قطعيه ولا بيصير شي مو احسن لك !!
ناظرت فيها بنظرات حاده وقلت لها : واذا ما قطعته وش بتسوين يعني ؟
رمت صحن السلطه الي انا قطعته وانتثرت الخضره كلها على الأرض ماقدرت اتمالك نفسي الا وعطيتها كف وقلت لها : ما تخافين الله !!! كل ذا استهتار بالنعمه !!!
بدينا نتشابك ونتضارب وصراخنا كلن يسمعه وحاولو زوجات عمي يفرقونا بس مافيه فايده لين ماسحبني عمي ابو سعود من كتفي وبدأ يضربني بدون يسأل السبب وش كان وكأني صرت انا السبب!! ترف تبكي عند ابوها وهي تقول : انا قلت لها ساعديني وهي رفضت وضربتني!!!!
كان كلامها كذببب بكذبب وافتراء ماقدرت أوضح كلامي والمشكله كلهم شاهدين مع ترف ولا واحد واقف بصفي !!
ناظر فيني عمي بحقد وقال لي : يصير خير يا شيخه هاذي اخرتها تمدين يدك على بنتي المتربيه!!!
صرخت عليه وقلت له : وانا ايش مو تربيه يعني !!!
رفع صوته عمي وقال لي : لاوالله اخس تربيه وانا برجع اربيك بعد!!!! ....
رفع يده عمي يبي يصفقني بس تدخل عمي ابو شهد وسحبني لصدره وقال لعمي سعود : ما تخاف ربك تقهر بنت اخوك !
وطلعني عمي ابو شهد من المطبخ ورحنا لغرفتي وانا ماكنت ابكي كنت كاتمته بصدري جلس عمي على السرير وقال لي : عادي ياشيخه لا تهتمين لهم هم دايم كذا متكبرين علينا
وقلت له وانا اناظر ب الأرض : ابي ارجع للبيت انا مكاني للبيت مو هنا !
نظرات عمي لي وهو كأنه يخفي سر ما يبي يعلمني فيه وقلت له وانا اناظر له : ابي ارجع البيت بكرا !
وقال لي : بكرا ! لا ياشيخه خليه بعدين انتي اصبري بس اليومين ذي يمكن عشان ما تعودتي على المكان وانه غريب عليك !
ناظرت فيه وقلت له : عمي انتم مخبين عني شي مااعرفه ؟؟
تلعثم عمي وقام وقال : وش مثله ! لا مافيه شي بس ماعليه انسي الي صار اليوم وتعالي تعشي عشان خاطري وخاطر جدتك .
وقلت له : تمام خلاص .
فيه لغز او سر يخفونه عني ولازم اعرفه! جلسنا كلنا على السفره الحريم لهم صحن والرجال وجدتي لهم صحن جلست عند الحريم وبديت اكل على خفيف وانا مو مشتهيه اصلا ناظرت فيني ترف وحطيت عيني بعينها وقلت : خير؟
نزلت عيونها بالأرض وبدت تاكل بديت اتخيل اني اضربها حسيت ودي اطلع كل الطاقه واضربها لأنها هي راس البلا قمت من الصحن وغسلت يدي وجلست بغرفتي على جوالي.
________________________________________
في بيت ابو نواف
نواف بفراشه وملتحف بالبطانية ولا يبي يطلع لأي مكان وكان ضايق ومهموم ولا له خلق لأي شي دخلت عليه امه بصحن العشا وجلست عند رجوله وقالت له بخوف : نواف علامك لك يومين ما كلت شي ؟
سكت نواف ولا رد عليها وسألته امه مره ثانيه : يا نواف وش فيك !؟
ورد عليها وقال : واذا قلت لك بتسوينه يعني ؟ اللهم الي ببالي انتي تعرفينه الشي مو غصب يا يمه انا تعبت المحبه ماهي بالقوه !
انصدمت امه من الكلام وقالت له : اخر قرار؟ يعني ماتبي نوره؟
نواف : اي ،،،وكأن بيتغير شي يعني !
طلعت ام نواف وراحت تحت بالصاله عند ابو نواف وجلست على الكنب وهي تفكر
سألها ابو نواف وقال : هاه وش قالك نواف علامه له يومين مايبي ياكل ؟
ناظرت فيه ام نواف وقالت : والله ولدك مايبي نوره خلاص كلم اخوك وقل له اننا تراجعنا
ابو نواف بصدمه وبتعجب : لاوالله أحلفي؟ وهي بالسهوله هاذي ؟
ردت عليه وقالت له : اختار يا ان ولدك يضيع بين يدينا او نختار له الطريق صح وترا من البدايه نواف قال انا مابيها بس تجاهلته ولا اهتميت له!
ابو نواف بعصبيه : سلامات عاد !! يتزوج نوره وكلها يومين ويتعود من متى ياخذ الي بباله نواف وثاني شي تحسبين الوضع سهل اني اروح لأخوي واقول له اننا مانبي بنتكم وش شعورهم وقتها!؟ بتصير مشكله بعدين !!
ام نواف : اسمعني طيب انت بس قول له جرب !! ولا خل سلطان يتزوج نوره !!
عصب ابو نواف وقال : فيك شي؟ سلطان اكبر من نوره بكثير ولا قد تكلمو عنه بس ماعليه تنحل خلي الموضوع علي نواف لنوره وانتهى !
أنت تقرأ
ذبحتني بدموعها ياسعود .
عاطفيةمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
