دخلت البيت وكنت منهكه وتعبانه رحت لغرفتي وعلى طول طحت لفراشي ابكي فعليا مافيه شي بيدي اسويه خلاص الملكه بعد ثلاث ايام !! لازم اتقبل المصير لازم اكون ضحيه الزواج الإجباري!!
جاني مشعل وقال لي : شيخه نواف يبيك برا!
نعمم نواف!! وش يبي ذا بعد ماني ناقصه مشاكل قلت له : ليه جا نواف وش يبي !؟
ناظرني مشعل وقال لي : شيخه بقول لك شي بس لا تزعلين مني ؟
قلت له وانا امسح دموعي : قول لي مستحيل ازعل منك .
وقال لي : يوم كان يوصلني نواف للبيت عطاني رقمه وقال اي شي تبغاه دق علي وانا دقيت عليه وقلت له ان شيخه ماتبي تتزوج من ابوك .
ناظرت فيه بكل حرج وقلت له : ااااه طيب زين زين ..
رحت لبست عباتي وفتحت الباب لنواف ودخل بالمجلس ناظر فيني نواف وقال : شيخه اذا ماتبين الزواج من ابوي قولي لي اتصرف!
ناظرت فيه وقلت له : ومن انت ووش راح تسوي بعد !
وقال لي : شيخه انا بعطيك فلوس الدين وانتي سدديه ولا كان صار شي وبكذا ينتهي العقد الي بينك وبين ابوي
ابتسمت له وقلت : وبس ! انت لا تشفق علي ماني محتاجه شفقه منكم !! وخلاص الزواج تحدد ولا فيه شي راح يفكني منه ماقدر اسوي شي
ناظر فيني وقال : طيب اسمعي بقولك على شي بالملكه اذا جا الشيخ وقال انتي موافقه ارفضي قولي لا .
وقلت له : ومن راح يفكني من عمي ؟ كل شي ضدي الأفضل لي اني اتزوج ابوك عشان مايلمسون مشعل وثاني شي كيف تبيني اثق فيك ؟
نواف : شيخه انتي بالحاله ذي مجبوره انك توثقين فيني وعمك خليه علي ! بس الي عليك تسوينه انك ترفضين .
نزلت راسي تحت وقلت : خايفه يسوون شي لمشعل او يسوون شي فيني انت ماتعرف عمي يقدر يسوي كل عشان الفلوس !
عطاني نواف ورقه وقال : شيخه هذا رقمي اتصلي علي اذا انك بخطر من عمك او اذا جاك اي احد .
رميت عليه الورقه وقلت : الحمدلله مالي حاجه بالورقه ولا ابي اخذ رقمك .
اخذ الورقه ونزلها على الكنب وقال : ماندري وش بيصير بس الأفضل تحتفظين برقمي ....وطلع من البيت جلست افكر هل اثق فيه او لا ؟ اخذت الوقه وحطيها على التسريحه ورحت سويت العشا .
__________________________
في بيت تركي
تركي متجهز بيطلع مه اخوياه كشته للبر اخذت عزبته وودع أمه كان ناوي تركي انه يجلس بالبر يوم كامل ودع أمه ومشا طلع من البيت بس فجأة انفجر الكفر بدون سبب ووقف قريب من الخط شافه نواف من بعيد ووقف عنده ..
نواف : سلامات يالخو بغيت شغله ؟ مساعده شي ؟
تركي وهو يحك راسه : والله ماتقصر ابي اغير الكفر ممكن مساعده اذا مافيه كلفه او اذا انك مستعجل بس امش
نواف نزل من السياره واخذ شنطه العدة وبدأ يساعد تركي
تركي صافح نواف : ماقصرت والله ياخوي بس ممكن اعرف اسمك ؟
نواف : اتشرف والله معك نواف عيسى
تغيرت تعابير تركي وشد يد نواف وقال : اتشرف اني تعرفت عليك وركب السياره تركي ومشا تركي عرف ان نواف عيسى ابوه يكون خطيب شيخه تحسف انه ساعده
نواف مستغرب باللي حصل وقال : وش شايف علي ذا ليكون بس عنده مشكله مع ابوي هههه
______________
في بيت شيخه الساعه ٢ بليل وهي نايمه فجااه وبدون أي سبب حست ان فيه رجال غريب بالغرفه!! اي رجال قامت بسرعه وبخوف بس الرجال أقوى منها بعشر مرات حط منديل على فم شيخه ( مخدر) وتخدرت شيخه واغمى عليها بين فترة الصحوه والاغماء كانت خايفه مو على نفسها على مشعل شيخه مخطوفه شخص غريب خطفها !! مشعل وقتها كان صاحي وبسرعه مشعل اتصل على نواف وقال له : نواف الحق فيه حرامي بالبيت!!
قام نواف من فراشه و وراح لبيت شيخه على السياره مسرع
راح مشعل يضرب الرجال بس الرجال اخذ اداه حاده وضربها على رأس مشعل ونزف مشعل وطاح بالارض ويحسافت شيخه أخذها الرجال وخطفها!! دخل نواف وراح لبيت شيخه يصيح باسمها وفتش بالبيت كله وشاف مشعل بالارض ينزف اخذ مشعل وركض فيه على المستشفى وعرف نواف ان شيخه مخطوفه شخص غريب مجهول خطف شيخه اخذ مشعل للمستشفى وراح لمركز الشرطه وبلغ عن حاله اختطاف مشعل بين الحياه والموت وشيخه من الي خطفها وش ناوي عليه ومن يكون الخاطف !!
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
