شيخه شابكه يديها بكل خوف وتدعي الله أن العمليه تنجح وتعيش مع مشعل زي الايام الي قبل رجول شيخه مو قادرة توقفها بس جالسة تهزها من التوتر الي فيها وياعمري على ام تركي جالسة تهديها بكل رواقه انتظرو ساعه وساعتين ولهلحين الدكاترة ماطلعو وهنا حست شيخه بشعور مو زين التفت على خالتها وقالت صوتها وهو يرتجف
شيخه : تهقين ان صاير فيه شي؟
ضمت ام تركي شيخه وقالت لها : شيخه لا تفكرين كذا وتفائلي بالخير ياشيخه
هزت شيخه راسها وهي خايفه
وبعد ساعات طلع الدكتور وهو منزل راسه هنا شيخه ارتبكت وخافت رجولها مو قادرة ترفعهم من الخوف خايفه تسمع كلام مايسرها وبسرعه قام تركي وراح له وساله
تركي : بشر يادكتور كيف حالة مشعل ؟
الدكتور ناظر فيه وقال : والله مدري كيف اقولك بس الحمدالله انكم لحقتم عليه بآخر لحظه ولا كانت الجلطة تنتشر وتسوء حالته والحمدلله من فضل ربي ان العملية نجحت !!
وبدون لا شعوري ضم تركي الدكتور وقاله له : الله يجزاك خير يا رب!
بكت شيخه من الفرحه وهي مو مصدقه
ناظرت ام تركي بشيخه وقالت لها : شفتي قلت لك تفائلي بالخير تجدوه
ضمت شيخه خالتها بكل حب وهي طايره من الفرحه ورجعت شيخه البيت وهي فرحانه ولاهي قادره تنام من الفرحه جهزت شيخه ملابسه عشان تروح لبيتها من بعد صراعات مع خالتها الي ترفض انها تروح وبالقوة وافقت انها تمشي
_________________________
(بيت ابو صالح )
رن جوال نوره وبسرعه خطفت الجوال وردت وكانت صديقتها رزان
رزان : كيفك ؟
نوره : بخير الحمدلله وانتي اخبارك ؟ وبسرعه علميني شصار بالمستشفى بالحرف الواحد
رزان : اخو شيخه ؟ اي اخوها تشافى الحمدلله وبعد اسبوع راح نطلعه
نوره : اي هذي الاختبار الساره
رزان : غريبه اجل ماقلتي لي انها عدوتك وتبين تفتكين منها ؟
نوره : انا مسوية خطه والي بيلعب دور الضحية شيخه ومشعل بيكون الطعم !
رزان وهي تضحك : والله مانتي بهينه يانوره ...اسمعي المدير يناديني شوي واكلمك
وطفت الجوال
رزان صديقة نورة وتشتغل في المستشفى الي مشعل تعبان فيه وبالصدفه نوره عرفت ..
نوره : تمام اذا صار اي شي جديد بس كلميني
رزان : طيب ...
وانتهى الاتصال
________________
بيت ابو نواف
العائله متجمعه على سفرة الغدا
نواف جالس عند ابوه وقال له وهو خايف
نواف : يبه اذا خلصت ابيك بكلمه
ابوه : طيب
ناظر سلطان بنواف نظرات فضول وقال نواف له : شتبي شي مايخصك
سلطان بابتسامه : ولا شي معليك
وبعد دقايق جلسو لحالهم
نواف : يبه ابي شيخه بتزوجها
ابو نواف : كيف تتزوجها واحنا اساسا خاطبينك من بنت عمك نوره ؟! شيل الفكره ذي من راسك يانواف
نواف : يبه تكفى اسوي لك الي تبيه والله
ابو نواف : ولد اعقل ! قلت نوره تتزوجها يعني تتزوجها لا تزعجني
نواف : طيب انا مابي نوره غصب هو !؟
ابو نواف : خلاص خلني اشوف الوضع واكيد امك بترفض
نواف : لا لا معليك عندي ازهلها!
ابو نواف : كم مره فشلتي وطيحت وجهي ماقول الا الله يصلحك واسمع اذا وافقت امك انا موافق والله يكتب اللي فيه الخير
قام نواف وحب راس ابوه ويده وهو فرحان وقام يتشكرة وطلع من المجلس مبسوط وقابل سلطان وهو طالع
سلطان : حركات يانواف من متى تعرف الحب ؟
نواف : ياخي مالك شغل شوف شغلك
سلطان : اوف لو امي بتدري بتصير حفله محد مروق بالبيت غيري
قرب نواف وكان بيضربه بس قوة سلطان خلته يوقف ومسك سلطان يد نواف وناظر فيه : تدري ان نوره تحبك ليه ماتنفذ امرها وتتزوجها وتسعدها!
انصدم نواف من كلامه وقال : اذا انك تبيها تزوجها ///...مامدا نواف يكمل كلامه الا البكس الي جا على خده من قوة الضربه طاح ب الأرض
سلطان : كيف تقول كذا ياوصخ !
قام نواف وهو منصدم : شسويت عشان تضربني شفيك انت مهبول صاحي !!
جت أمه على الهواش والضرب وبالقوة فرقتهم عن بعض طلع نواف من البيت واتصل على عبدالله خويه عشان يروقه شوي وجاه
عبدالله : سلامات شفيه وجهك منفتخ من الي ضربك ؟
نواف : ولا شي طحت بالغلط
عبدالله: زين يلا وين تبينا نروح ؟
نواف : لو توديني القبر ودني طلعني من الضيقه الي انا فيها ودني اي مكان ينسيني الهم الي انا فيه
سكت عبدالله راحو للبحر يروقون شوي
عبدالله : اذا بخاطرك شي ودك تفضفه لي قول لي ولا تكتمه
نزل نواف راسه وقال : ولا شي بس مشاكل البيت الي ماتفضي ..
نواف يدور براسه سلطان وشفيه متغير عليه وحاقد عليه وش الغلط الي سواه نواف عشان سلطان يكرهه ؟
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
