مافيه حل ولا مخرج الا جدتي ! اكيد انها ماتدري عن أي شي وانها بتوقف معي اخذت نفسي ولبست عباتي ورحت لجدتي في المجلس وكانت جالسه جلست عندها وقلت لها وانا وبصوتي نبرة حزن : جدتي ابي ارجع للبيت بس صحيح ان البيت انباع؟
طاحت نظرات جدتي من عيني وبدت تاخذ مخرج الصمت وقالت لي : اي والله يابنتي وشوله تسكنين لحالك بذا البيت واذا ان قصدك الفلوس اعطيك قسمك منه !
ارتفعت حواجبي من الصدمه وطلعت من الغرفه وانا مغدوره كيف قدرو وتجرؤ انهم يبيعون آخر ذكرى من امي وابوي !! كيف بس قدرو يبيعون بيتي كيف!! طلعت برا بالحوش امشي ولا حسيت بنفسي الا وتركي يناديني استغربت منه وبسرعه جمعت شتات نفسي ولا بينت له اني متضايقه قرب مني عندي وقال بابتسامة الي شاقه وجهه : شيخه كيفك ؟ انا جاي ازورك لاا اقصد أزور مشعل اي مشعل وينه
ناظرت له وقلت : بخير الحمدلله انت كيفك وكيف خالتي ؟
ورد علي بحماس : بخير الحمدلله الا شيخه شفيه صوتك تعبان؟ احد مضايقك ؟
وبسرعه حاولت اني اتدارك الوضع وقلت له : لا بس رجعت لي ذكريات امي وابوي وأما انا مستانسه بالبيت اكل وانام مرتاحه
وقال لي : الحمدلله تطمنت ...بدخل بسلم على أهل البيت وبشوف مشعل
رديت عليه بتمام وراح لهم يسلم .
__________________________
(في بيت ابو نواف )
نواف قام من فراشه ولبس ثوبه واخذ شماغه الي على الكنب وحطها على كتفه شافته امه وقالت له : وين رايح ؟
نواف واضح عليه انه مستعجل ورد عليها وهو طالع : بطلع مع عبدالله ولا تحتروني بالعشاء بتاخر ترا !
وطلع من البيت ولبس شماغه وبسرعه جاه عبدالله ركب السياره نواف وقال له عبدالله : نواف متأكد انهم جابوه ؟
ورديت عليه بحماس : اي يابن الحلال جابوه طلع بالسعودية الدلخ ولا سافر
وبسرعه راحو لقسم الشرطه واستقلبهم شرطي يعرف نواف واسمه راكان
راكان : ابيك تتعرف عليه إذا فعلا هو الي تقول او لا
نواف : زين..
دخلو الغرفه وفعلا كان هوو وعرفه نواف جلس نواف بالكرسي الي قدامه وناظر في راكان وقال : اي والله انه راجو وعرفته اي هذا هوو ...
وبعده بثواني جا ابو صالح وابو نواف مفجوعين وش ذا الفضيحه الي جتهم والمصيبه!!! اعترف راجو بكل شي وكب عفش نوره كله وزود لذا الادله موجوده بصمات ... ولا فيه احد يقدر يفك نوره من السجن الا.شيخه اذا سحبت الشكوى .
ابو صالح : راجو ياكذاب نوره ماتسوي كذا!!!!
ابو نواف بصدمه : يابن الحلال خله بأن الحق ذش بتسوي عاد !
ابو صالح: مافيه نوره ماتسويها انا اعرفها !
ناظر راكان في ابو صالح وقال له : اذا تبي تسمع تسجيل الصوت لبنتك وهي تقول له انه ينفذ المهمه ولا ماتبي تسمع ؟ اسمعني زين يا ابو صالح خلال ٢٤ ساعه اذا ماجتنا نوره وشيخه للقسم بننتمم احنا الإجراءات.
___________________________________
( بيت ابو سعود )
دخل ابو سعود بغرفه شيخه بكل قوه وركض لشيخه وقال لها بفزع : شيخه الشرطه تبيك ! وش مسويه انتي !!!
انصدمت بالي يقوله الشرطه !! رحت لبست عباتي ونقابي ووصلت القسم ويدي على قلبي انصدمت من الموجودين ابو نواف ونواف وحتى نوره !! كانت وجيهم مقلوبه للاسود
جاني المحقق وقال لي : تعالي للمكتب بستجوبك الا انت لا تجي معها ابيها لحالها
كان يقصد عمي انه مايجي معي .رحت معه لغرفه وجلست على كرسي
وقال لي المحقق : مشعل كيف تعرض للحادث الي براسه ؟ ممكن تقولين كل شي ؟
وقلت له كل الي صار كيف ان فيه حرامي دخل والوضع كذا .
وقال لي : طيب ماتتذكرين منه شي ؟ اي شي ؟
حاولت اني اتذكر جزء بسيط بس وفعلا تذكرت شي عدلت جلستي وقلت له : الا بيده اليمين فيه جرح طويل على كف يده بس ذا الي اتذكره
ابتسم المحقق وقال لي : احنا عرفنا مين والي كان سبب ذا كله نوره هي الي قالته انتي بينك وبينها عداوه ؟ وهل بتتنازلين عن حقك ولا بترفعين لعا شكوى!!
نوره ! سوت كل ذي السواه ! انا شكيتتت بس قلت بيني وبين نفسي مستحيل تكون هي سكت لثواني ورفعت راسي وتذكرت مشعل كيف تعب عشاني ! وقلت له : لا ماني متنازله عنها !
أنت تقرأ
ذبحتني بدموعها ياسعود .
Любовные романыمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
