ذبحتني بدموعها ياسعود .

part 17

تجرب او لا ؟ تغامر او لا ؟ شيخه تهز رجولها بسرعه وتعض اصابعها من التوتر وبيدها الجوال توافق على الخطه او لا وكيف اساس تثق في ابو عدوها ؟ تمشي بالغرفه يمين ويسار وتفكر وتطق يدها بالجوال وهي تفكر جلست على طرف السرير وفتحت جوالها وأرسلت على نواف

: ( تمام انا موافقه متى راح اقابلك ؟)

قفلت جولها ودعت من كل قلبها ان الخطه تنجح ..

نواف شاف الرساله وبسرعه طار من الفرحه وأرسل عليها
: ( الوقت الي الناس تكون فيه نايمه ارسلي علي )

ابتسم نواف وفرح من كل قلبه وحط بباله ان خطته لازم تنجح بأي سبب كان ..

شيخه شافت الرساله وطفت جوالها وراحت عند خالتها تساعدها وباين على شيخه علامات التوتر وسألت خالتها شيخه

ام تركي : شيخه تعبانه ؟ شفيك متوتره ؟

شيخه وهي تتلعثم : لا ياخاله مافيني شي بس عشاني شفت مشعل وتوترت

ضمت ام تركي شيخه وقالت وهي طمنها : ماعليه يابنتي مع الايام بمشفى كل الي علينا الدعاء وبس

شيخه : اي والله صادقه

جهزوا العشا وكل شي وتعشو وخلصوا وبعد ساعتين من السوالف وكل شي كل واحد راح لغرفته بينام شيخه كانت تستناهم ينامون عشان ترسل لنواف يجي ويعطيها الفلوس وفعلا بعد ساعتين مشت شيخه بكل البيت تتأكد ان مافيه اي احد صاحي  وفعلا تأكدت وارسلت على نواف

: ( تعال مافيه احد قايم واذا جيت ارسل علي ولا تطلع انا اجيك بالسياره )

نواف قرا الرساله وطلع من البيت بخفيه وبيده الفلوس كانت مليانه بالكيس ١٠٠ الف كاش جاهزه طلع من البيت ووصل بيت ابو تركي وأرسل على شيخه

: ( اطلعي انا برا )

لبست شيخه عباتها وطلعت في نص بكل خوف وعدم امان شافت سيارته وطقت النافذه وطلع نواف  نزل من السياره ومعه الكيس

شيخه : بسألك سؤال قبل اخذ من الفلوس

نواف يناظر فيها وقال : اسألي

شيخه : ليش تسوي كذا ليش تبي تساعدني ؟

سكت نواف لثواني وقال : مادري ماكنت ارضاها على اختي ولا ابي ابوي يتزوج وحده كبر اختي كذا بس الموضوع

شيخه : اذا ما توفرت معي راح اسددها لك

نواف : لا ما يحتاج

شيخه تلفت يمين ويسار بكل خوف مد نواف الكيس وقال : بكرا استانك بالبيت تعطينها ابوي ادخلي البيت الحين قبل احد يشوفنا

شيخه ابتسمت وقالت : مادري صراحه كيف ارد لك الجميل بس شكرا ...
اخذت الكيس ودخلت البيت وعلى الغرفه فتحت الكيس وانصدمت من كميه الفلوس الكبيره ما توقعت ابدا ان القيمه تكون كامله ....