ناظرت شيخه بتركي وقالت بصدمه : وش قاعد تقول ؟
حط تركي عينه بعين شيخه وقال : شيخه تزوجني والله لأخليك تعيشين احسن عيشه كل شي عندي فلوس سياره بيت بس انتي موافقه ؟
نزلت عيوني ب الأرض وقلت : تركي ماقدر اخليك تغامر وتتزوجني ! ابوي عنده دين قوي مابي احطك بمشاكل بسببي !
قام تركي وقال وهو متوتر : اجل تبيني اخليك لحالك ؟ عادي اقدر ادفع دين ابوك واطلعك من المصيبه هذي بس أقبلي بعرضي اسمعي ياشيخه بخليك تفكرين بعد ثلاث ايام وبشوف ردك لان مافيه وقت الاسبوع الجاي بيكون زواجك وانهدام مستقبلك !؟
ناظرت فيه وقلت له : بسألك انت ليش جيتني ولا رحت تزوجت من بنات خالاتي او بنات عماتي ليش انا خصوصا؟
ناظر فيها تركي بنظرة غريبه وحاول يقول بس بتلعثم بالكلام ولا عرف وش يقول وقال لها : تذكرين وعدنا يوم كنا صغار ؟ انا جيت انفذه ..
جلست افكر وقاطع تفكيري تركي وهو طلع من البيت ،،،،،،، قبل ١٢ سنه كنت انا وتركي وبنات خالاتي في بيت جدتي نلعب كوره وكنت انا الحارس ضرب ولد خالي الكورة وجت على رجلي وتعورت كلهم ضحكو علي الا تركي جاني من آخر الحوش وهو يركض وخايف علي مسكني من رجلي وكان خايف ويقول : شيخه تعورتي ؟
وقلت له وانا ابكي طبعا كنت صغيرة وقتها وقلت : لا تتركهم يضربون ثاني مره كذا احميني حتى لو صرت كبير!
ناظر فيني وقال : وعد ياشيخه اذا كبرت راح أحميك وماراح اخليك حتى بعد ١٠٠ سنه ..وقطعنا وعد بالخنصر.........
سكرت باب الصاله وانا ابتسم معقوله كان ماخذ الوضع بجديه !؟ استغربت كيف مانسى الوعد انا نسيته بس هو ليه مانسى؟ رحت للمطبخ اجهز الغدا لمشعل قبل يجي من المدرسه ،،،،،
_________________________
نواف بالاستراحة وسرحان وبنفس الاستراحه اخويا نواف كانو جالسين يلعبون بلوت هز رايد كتف خالد وقال : شف نواف وش فيه كذا سرحان ؟
رد خالد بستغراب : والله مدري علمي علمك خلني بس بروح اسأله..نزل خالد كروت البلوت وجلس عند نواف وقال
خالد : وش فيك كذا سرحان اليوم وش مشغل تفكيرك ؟
ناظر فيه نواف وقال : انا سرحان ؟ مافيني شي .
ناظر فيه خالد نظرات حاده وقال : ليكون الي شاغل تفكيرك زواج ابوك ؟
ضرب نواف كتف خالد وقال : يوه قلت مافيني شي !!؟ ومشا نواف زعلان ولا احد يدري وش فيه
راح رايد عند خالد وقال له : اكيد ان شيخه شاغله تفكيره ماعليك منه تعال كمل لعبك يلا..
ركب نواف السيارة وبدأ يتمشى ع السياره وبعدين راح البيت ودخل عند ابوه بالمجلس وكانت ام نواف جالسه جلس نواف عند ابوه وهو بيتكلم بس ام نواف تكلمت قبل
وقالت : نواف ابشرك لقينا لك عروس!!؟
انصدم نواف وقال : عروس !! لا يمه مابي اتزوج تكفين مو وقتك تكفين !
ناظرت ام نواف بنواف وقالت : الا بتزوج وغصب عليك ! هاذي بنت عمك الحلوه الزينه حاجزينها لك مبطي !
تكلم نواف وهو منفجر غضب : يمه تكفين انا مابيها ! ببالي وحده مابي بنت عمي !
قامت ام نواف وقالت : ماراح اسامحك الا اذا تزوجت بنت عمك نوره !! خلاص الملكه حددناها بتكون بعد ثلاث شهور !!
رد نواف بصدمه وقال : يمه تكفين خطتو لكل شي ولا علمتوني! مابيها انا ماراح اتزوجها ! ابي الي اخترت ! ...
حاولت ام نواف انها تهدأ وقالت : خلاص طيب ومن البنت الي ببالك ؟
ناظر فيها نواف وقال : شيخه .
شرق ابو نواف بالقهوه وقال : صاحي انت ؟ البنت موافقه علي لا تخرب زواجي !
ام نواف وهي مصدومه وكان بيغمى عليها من الصدمه : انا بفهم شي شيخه وش فيها عشان تسحرك كذا !! كلامي واحد يانواف الملكه بعد شهرين وخلاص ! ...
قام نواف وراح لغرفته يستوعب باللي يصير ويسأل نفسه مليون مره ومليون سؤال ( هل صابني الحب من أول نظره ولا كيف !) مافيه شي اسمه حب بأول نظره طيب انا وش فيني !؟ ليش كذا متغير ؟ انسدح نواف على السرير وغمض عينه وفجأة تذكر شجاعه شيخه وهي تحمي اخوها وابتسم نواف بلا شعور....
يتبع
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
