يوم الجمعه رتبت شيخه البيت وبخرت البيت وبخرت اخوها عشان يصلي صلاة الجمعه بالمسجد طلع اخوها وراحت تمشط شعرها الاسود الطويل تذكرت شيخه امها يوم كانت تمشط شعرها ابتسمت وراحت تجهز الغدا وتذكرت شيخه ان تركي بيجي عشان ياخذ شورها تفكر شيخه توافق او لا؟ وفعلا بعد الغدا وهي جالسه تتغدا طق الباب وقامت تلبس عباياتها وفتحت الباب وطلع تركي جا مشعل ورحب بتركي وراحت شيخه تجهز القهوه والشاهي خلصت وخلت مشعل يودي القهوه جلست شيخه وتركي ماكان مركز الا على شيخه قاطع تفكير تركي مشعل
مشعل : كيفك يا تركي طمنا عليك ليه ماصرت تجينا كل يوم
تركي : والله الحمدالله عندي أشغال بالشركه ولا كان جيتك كل يوم .ناظر تركي بشيخه وقال لها : وافقتي ياشيخه ؟
شيخه بكل برود : اي موافقه بس بشرط مشعل ماراح اخليه
ابتسم تركي وقال لها : تم خلاص نملك بكرا او بعد بكرا ؟
شيخه : شفيك مستعجل..وبشوف عمي بتكلم معه واقول لك
تركي قام وقال : بروح الحين لعمك واقول له
مشعل مايدري شسالفه التفت لشيخه وقال : شسالفه؟
شيخه : اعلمك بعدين وانا اختك
طلع تركي وشيخه كانت حاسه بشعور يخوف حست ان فيه شي بيصير
______________________
في بيت ابو صالح تحديدا المجلس رايد كان على جواله ونوره جالسه تتفرج على التلفزيون رن جوال رايد وكان المتصل صديقه خالد
رايد : هلا خالد كيفك اخبارك .
خالد : الحمدلله بخير اسمع شرايك نكشت انا وياك ونواف ؟
رايد : اي والله تم ونطلع من تفكيرك نواف شيخه ماخذه تفكيره
طاح الريموت من نوره وبدأت تتسمع للمكالمه لين ماخلص رايد
نوره : صدق الي سمعته؟
رايد : وش سمعتي ؟
نوره: ان فيه وحده بباله غيري .؟ صدق الي سمعته ؟؟
رايد مايدري وش يقول وقال : اي وحده غيرك في باله وسيطرت عليه
نوره : ومن ذي !؟
رايد : شيخه خطيبة ابوه البنت المديونه...خلاص ياخي لا تسأليني ونسيت انك عندي ولا كان علمتك !
وطلع نواف وهو متحسف من كلامه
راحت نوره تركض لغرفتها وهي متوتره ومتشتته مسكت جوالها واتصلت على صديقتها ليان وعلمتها بكل شي .
ليان : اسمعي يا نوره لا تكونين غبيه وتسوينها خلي البنت بحالها !؟ وعادي نواف بيكون زوجك قريبا انتبهي يا نوره انك تسوينها!؟
نوره : ماتفهمنين انتي !! اقولك نواف بيروح مني !! وانا ابي اعرف من ذي شيخه وكيف نواف حبها زي كذا !! واسمعي انا الغبيه الي كلمتك كنت ابي منك حل ! بس انا اعرف اتصرف ! وطفت الخط لبست نوره عباتها وراحت عند السواق .
نوره : تبي فلوس كثير؟
السواق : ايوا مدام وش يبغا؟
نورة : ابغا بنت اسمها شيخه تكون خطيبته ابو نواف ابي بيت حقها ويعطي انتا فلوس
السواق : طيب مدام انا يدق على صديق مال انا ويقول حق انتي
نوره : انا يبغا كل معلومات شيخه بكرا! ولا ترا مافيه فلوس ولا فيه راتب يسمع !! واذا احد درا عن الي قلت انتا في مشكله راح افصلك تفهم ولا لا !
السواق : طيب مدام مافي مشكله وسرك في بير
راحت نوره وهي مقهورة تبي تتخلص من شيخه بأي طريقه كانت وحطت خطه جهنميه في بالها بتدمر شيخه والي معها
__________________
تركي راح لبيت ابو سعود دخل عندهم وسلم عليهم وجلس في المجلس
ابو سعود : حيا الله تركي
تركي : الله يبارك فيك ..ياعم انا جاي بفتح معك بموضوع
ابو سعود : هلا وشو الموضوع ؟
تركي : انا جاي اسدد دين شيخه واتزوجها على سنة الله ورسوله..
ابو سعود : وليه تتزوجها خلاص هي موافقه على الزواج وانا راضي ؟
تركي : تتزوج شخص اكبر من ابوها ! انا جاي انقذ شيخه ..
ابو سعود بعصبيه : وش قاعد تقول انت !! لا تتدخل باي شي مايخصك ولا اسمعك تقول الكلام ذا تسمع ولا لا !!!
تركي : ابو سعود اسمعني انا اقولك بنقذ بنت اخوك من المصيبه الي فيها وانت تردني ليكون بس ابو نواف معطيك شي ...ماقدر يكمل كلامه الا ابو سعود طرده من البيت وبدأ المجلس يصير كله مهاوشات الين ماتدخل اخو ابو سعود ابو شهد وحاول انه يفرق بينهم وتفرقو بالقوة وطلع تركي من البيت مكسور الخاطر بس حالف الا ويتزوج شيخه !!
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
