في اليوم الثاني بيت ابو صالح اخو ابو نواف نوره كانت جالسه في غرفتها تمشط شعرها وتناظر المرايه وتتخيل شكل خطيبها نواف نوره معجبه بنواف من يوم ماكانو صغار لانه دايم يلعب مع رايد اخوها وبنفس الوقت ولد عمها المهم وهي تمشط شعرها الطويل الناعم شافت ظل رايد يمشي من ورا الباب وبسرعه ركضت عنده وقالت وعيونها مليانه حب وإعجاب
نورة: بسألك شفت نواف ولد عمك ؟
ناظر فيها رايد وقال : اي شفته ب الاستراحه وكان مو مركز سرحان ليه ؟
قالت له : لا بس اسأل لان الملكه بتكون بعد شهرين وكذا .
وقال رايد وهو مستعجل : لا بس كان سرحان وكانه يفكر بشخص ..ومشا رايد نوره حست انها المقصوده تعتقد نوره ان نواف شاغل تفكيره فيها وان نواف معجب فيها راحت نوره والابتسامه تشق وجهها لغرفتها تكمل تسريحه شعرها وهي تغني اغنيه " لما بدأ يتثنى" بصوتها وبدت ترقص وتتخيل نفسها مع نواف ....
__________________
جهزت شيخه الغدا وهي تفكر في فكرة تركي وهل تقبل في عرضه او لا؟ جهزت الغدا وجلست تنتظر اخوها مشعل يجي من المدرسه بس الغريب انه تاخر مشعل دايم يجي من المدرسه الساعه ١ تمام جلست شيخه تنتظره ساعه ولا جا ! انصدمت خافت ان فيه شي او صار عليه شي الله لا يقوله وفجأة وهي بوقت التوتر طق الباب الصاله وبسرعه توجهت للباب وسألت : من ؟
رد من ورا الباب اخوها مشعل وبسرعه فتحت باب الصاله وفجأة شافت عند مشعل نواف من التوتر بدت عيونهم تناظر بعض نواف شاف شيخه وهي بقميص الروز وشعرها المنتثر على خصرها بدأ يتأملها لثواني وبسرعه سكرت شيخه الباب وأخذت عباتها وطرحتها وفتحت الباب من التوتر والصدمه فتحت الباب وسحبت اخوها مشعل وقالت له وهي تتلعثم : وش جابك هنا ؟ ما كفا الي سويته بمشعل؟
وبدت شيخه تتفحص مشعل وتقول له : سوا لك شي !! وليه جا معك ؟
وتكلم مشعل وقال : لا اصلا هو ساعدني الباص كان خربان وكل أصدقائي راحو للبيت الا انا كنت واقف بالشمس لحالي وجاني نواف ووصلني البيت وعطاني ماء .
ناظرت شيخه بنواف نظرات غريبه وقالت : ليه كنت عند مدرسة مشعل ؟ ليكون ناوي تسوي شي لمشعل والله اذا لمست شعره منه والله ماسامحكم !!
ابتسم نواف وقال : لا لا ماراح المسه وعد بس انا شفته وعرفته ووصلت عندكم المفروض تشكريني مو تهاوشيني اكلتيني اكل يابنت الحلال !
وقالت شيخه : انت اخر شخص اشكره ! عادي اي واحد بيشوف مشعل اكيد بيوصله للبيت انت سويت شي عادي وممكن تمشي عن بيتي احس وجودك مريب عندي !
وقال نواف بتنفرز : اي بمشي اكيد اجالي انتظر شكرك ! هالله هالله ناس غريبه ماتعرف حتى الشكر !
عصبت شيخه من كلامه وقالت : وش قاعد تقول ! انت شوف ابوك وش يبي بعدين تعال تكلم ! تبني اشكرك بعد والله ماطرا علي !
مشى نواف وهو زعلان وركب السياره ويتكلم نفس طريقه شيخه ويطقطق عليها وهو يقول : انا دلخ لو اني خليته يحترق من الشمس ابرك ناس عجيبه والله ! ..
سكرت شيخه باب الصاله وجاها مشعل ويقول : تدرين وش سوا نواف عندي بالمدرسه ؟
وقالت له : ليه وش سوا ؟
وقال مشعل : قبل مايخذني من عند الحارس قال له الحارس اذا جا اخوه ياخذني وقال نواف للحارس انا اخو مشعل ،،،يوم قاله لي استانست كنت ابي لي اخو كبير يحميني .
سكتت شيخه وكانه تحسفت على كلامها لنواف وليه ماشكرته!
___________________
في بيت تركي
تركي وحيد أمه وابوه وبنفس الوقت ولد خال شيخه يعني ابو تركي اخو ام شيخه ..
تركي بالمطبخ يجهز غدا أمه وابوه جهز الغدا ونزله على السفره تغدت العايلة وجلس تركي عند امه وقال لها
تركي : يمه بفتح معك موضوع الزواج
ناظرت فيه أمه والابتسامه في وجهها وقالت : اخيرا بشوفك معرس ياوليدي ومن تبي بس واخطبها لك ؟
تركي وهو يلعب بأصابعه : يمه ابي شيخه .
تغيرت تعابير ام تركي وقالت له : والله ياوليدي شيخه مخطوبه من راعي الدين كيف تبي تتزوجها ؟
ناظر فيها تركي نظره جديه وقال لها : انا بسدد دين شيخه وبعدها ماراح تكون مجبوره تتزوج الرجال بتزوجها انا
ام تركي : على راحتك وانا امك والله شيخه بنت سنعه اعرفها قديم واتشرف تكون زوجتك .
تركي : اهم شي انك موافقه يايمه وأبشري باخذ شيخه وبتكون من نصيبي ..
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
